సరిహద్దు వెంబడి పదే పదే కవ్వింపు చర్యలకు పాల్పడుతోంది పాకిస్థాన్. కాల్పుల విరమణ ఒప్పందాన్ని ఉల్లంఘిస్తూ భారత జవాన్లపై కాల్పులకు తెగబడుతోంది. శుక్రవారం జమ్ముకశ్మీర్లోని రాజౌరి జిల్లా నౌషెరా సెక్టార్లోని నియంత్రణ రేఖ వెంబడి పాక్ బలగాలు జరిపిన కాల్పుల్లో ఓ భారత జవాను ప్రాణాలు కోల్పోయారు.
కల్‌సియా గ్రామం వద్ద ఉన్న సైనిక స్థావరంలో జవాను పహారా కాస్తుండగా పాక్ దళాలు విచక్షణా రహితంగా కాల్పులకు పాల్పడ్డాయి. ఈ కాల్పుల్లో జవాను తీవ్రంగా గాయపడ్డారు. హుటాహుటిన సైనిక ఆస్పత్రికి తరలించగా అక్కడ చికిత్స పొందుతూ మృతి చెందారు. పాకిస్థాన్ కాల్పులకు భారత్ దీటుగా స్పందించింది.
ఆగస్టు 17వ తేదీ నుంచి రాజౌరీ, పూంచ్‌ జిల్లాల్లో పాక్ కాల్పుల కారణంగా ఇప్పటి వరకు నలుగురు భారత సైనికులు ప్రాణాలు కోల్పోయారు.
ఇదీ చూడండి: తమిళనాట ఉగ్ర కలకలం... సర్వత్రా హైఅలర్ట్
