సైన్యంలోని సౌత్ వెస్ట్రన్ కమాండ్లో అధికారుల మధ్య నెలకొన్న అభిప్రాయ భేదాలను పరిష్కరించేందుకు ఓ సీనియర్ లెఫ్టినెంట్ జనరల్ను నియమించారు సైన్యాధినేత జనరల్ ఎంఎం నరవాణే. కమాండ్ ప్రధాన కార్యాలయంలోని వివిధ నియామకాల పాత్ర, చార్టర్, విధులపై ఆర్మీ కమాండర్, అతని చీఫ్ ఆఫ్ స్టాఫ్ మధ్య కొద్ది రోజులుగా నెలకొన్న భేదాభిప్రాయాలను పరిశీలించి, పరిష్కరించనున్నారు.
ఈ మేరకు కమాండ్ ప్రధాన కార్యాలయం పనితీరును క్రమబద్ధీకరించేందుకు పరిష్కార మార్గాలు సహా సమగ్ర నివేదిక సమర్పించాలని కోరారు లెఫ్టినెంట్ జనరల్.
సౌత్ వెస్ట్రన్ కమాండ్ ప్రధాన కార్యాలయంలోని ఇబ్బందులు, రోజువారీ పనులకు ఆటంకం కలగటంపై కమాండర్తోపాటు ఆయన చీఫ్ ఆఫ్ స్టాఫ్ ఫిర్యాదు చేసిన క్రమంలో ఈ మేరకు చర్యలు చేపట్టారు సీఓఏఎస్ నరవాణే.
రాజస్థాన్లోని జైపుర్లో సౌత్ వెస్ట్రన్ ఆర్మీ కమాండ్ ప్రధానకార్యాలయం ఉంది. రాజస్థాన్ నుంచి పంజాబ్లోని కొన్ని ప్రాంతాల వరకు పాకిస్థాన్ సరిహద్దులను చూస్తోంది.
ఇదీ చూడండి:కేంద్ర సాయుధ బలగాల్లో లక్ష పోస్టులు ఖాళీ
