కేంద్ర మాజీ మంత్రి చిదంబరానికి ఎయిర్సెల్-మ్యాక్సిస్ కేసులో ఊరట లభించింది. చిదంబరంతో పాటు ఆయన కుమారుడు కార్తీకి సీబీఐ, ఈడీ కేసుల్లో దిల్లీలోని ప్రత్యేక న్యాయస్థానం ముందస్తు బెయిల్ మంజూరు చేసింది.
ఎయిర్సెల్ మ్యాక్సిస్ కేసులో చిదంబరం, కార్తీ అభ్యర్థనపై ప్రత్యేక న్యాయమూర్తి ఓపీ సైనీ విచారణ చేపట్టారు. లక్ష రూపాయల పూచీకత్తుపై ముందస్తు బెయిల్ ముంజూరు చేశారు. సీబీఐ, ఈడీ కేసుల్లో విచారణకు సహకరించాలని చిదంబరాన్ని ఆదేశించారు.
చిదంబరం కేంద్ర ఆర్థిక మంత్రిగా ఉండగా ఎయిర్సెల్, మ్యాక్సిస్ సంస్థల మధ్య రూ.3,500 కోట్లు విలువైన ఒప్పందం జరిగింది. ఇందుకు విదేశీ పెట్టుబడుల ప్రోత్సాహక బోర్డు అనుమతులు మంజూరు చేయడంలో భారీ అక్రమాలు జరిగాయన్నది ప్రధాన ఆరోపణ.
ఐఎన్ఎక్స్ మీడియా కేసులో చిదంబరం ఇప్పటికే అరెస్టయ్యారు.
ఇదీ చూడండి: 'శ్రీనగర్కు ముఫ్తీ కుమార్తె... దిల్లీకి తరిగమి'
