గుజరాత్ స్థానిక సంస్థల ఎన్నికల్లో పోటీ చేయనున్నట్లు ఎంఐఎం ప్రకటించింది. భారతీయ ట్రైబల్ పార్టీ(బీటీపీ)తో కలిసి బరిలోకి దిగనున్నట్లు తెలిపింది. బీటీపీ నేత ఛోటు వాసవ, ఎంఐఎం జాతీయ ప్రతినిధులు వారిస్ పఠాన్, ఔరంగబాద్ ఎంపీ ఇంతియాజ్ జలీల్ మధ్య జరిగిన సమావేశ అనంతరం ఎన్నికల పొత్తుపై అధికారిక ప్రకటన చేశారు.
స్థానిక సంస్థల్లో ఎంఐఎంతో కలిసి పోటీ చేస్తామని భారతీయ ట్రైబల్ పార్టీ(బీటీపీ) ఇదివరకే ప్రకటించింది. ఈ మేరకు శుక్రవారమే ఎంఐఎం నేతలు వడోదరకు చేరుకొని చర్చలు ప్రారంభించారు. వీరికి పార్టీ కార్యకర్తలు, మద్దతుదారులు ఘన స్వాగతం పలికారు.
ఇప్పటివరకు ముస్లింలను రబ్బర్ స్టాంప్లా వాడుకున్నారని ఇంతియాజ్ ఆరోపించారు. ఇక నుంచి ముస్లింలతో పాటు సమాజంలోని అన్ని వర్గాల సమస్యలను ఎంఐఎం పరిష్కరిస్తుందని హామీ ఇచ్చారు.
ఇదీ చదవండి: కొవాగ్జిన్ అత్యవసర వినియోగానికి సీడీఎస్‌సీవో అనుమతి
