సరిహద్దుల్లో దేశం కోసం.. గ్రామ శివారులో కుటుంబం కోసం

దేశ సరిహద్దుల్లో సైనికుడిగా విధులు నిర్వహిస్తున్న ఓ జవాన్​... ఇటీవల స్వగ్రామానికి చేరుకున్నాడు. అయితే కరోనా వ్యాప్తి నేపథ్యంలో నేరుగా ఊరులోకి వెళ్లకుండా గ్రామ శివారులో తన పొలంలో ట్రాక్టర్​పై టెంట్​ వేసుకుని క్వారంటైన్​లో ఉన్నాడు.

సైనికులు క్రమశిక్షణకు మారుపేరు. ఇదే విషయాన్ని నిరూపించాడు కర్ణాటక గడగ్​ జిల్లాలోని ఆంథూర్​ బెంతుర్​ గ్రామానికి చెందిన సైనికుడు ప్రకాశ్ హైగర్​.

అరుణాచల్​ ప్రదేశ్​లోని ఇండో-టిబెట్​ సరిహద్దుల్లో సైనికుడిగా విధులు నిర్వహిస్తున్న ప్రకాశ్... జులై 3న స్వగ్రామానికి చేరుకున్నాడు. అయితే కరోనా వ్యాప్తి నేపథ్యంలో నేరుగా ఊళ్లోకి వెళ్లకుండా ప్రభుత్వ నిబంధనలకు అనుగుణంగా తన పొలంలో ట్రాక్టర్​పై టెంట్​ వేసుకుని క్వారంటైన్​లో ఉన్నాడు. ​

ఎందుకంటే..

దేశాన్ని మహమ్మారి పట్టిపీడిస్తున్న సమయంలో దూర ప్రాంతం నుంచి ప్రయాణించి వచ్చాడు ప్రకాశ్. ప్రభుత్వ నిబంధనల ప్రకారం క్వారంటైన్​లో ఉండాలి. దీనిని దృష్టిలో పెట్టుకొని గ్రామానికి 2 కిలోమీటర్లు దూరంలో ఉన్న తన పొలంలోనే ట్రాక్టర్​పై టెంట్​ వేసుకుని స్వీయ నిర్బంధంలో ఉన్నాడు. ప్రకాశ్​ను పరీక్షించి ఎటువంటి కరోనా లక్షణాలు లేవని నిర్ధరించారు వైద్యులు. అయినా కొద్ది రోజులు ఇలా ఉంటేనే తన కుటుంబసభ్యులకు మేలని భావించాడు ప్రకాశ్.

పొలంలో ఏర్పాటు చేసుకున్న ఆవాసం

ట్రాక్టర్​ లోపల పడక గది

భోజనం చేస్తున్న జవాన్​

పొలంలోనే క్వారంటైన్...

పొలంలోనే క్వారంటైన్...

ఇదీ చూడండి: 10, 12వ తరగతి ఫలితాలపై సీబీఎస్​ఈ క్లారిటీ