సామాజిక మాధ్యమాల వల్ల ఓ వ్యక్తి జీవితం ప్రమాదంలో పడింది. కర్ణాటక ఉడుపికి చెందిన హరీశ్ బెంగెరా.. సౌదీలోని గల్ఫ్ కార్టన్ కర్మాగారంలో ఏసీ మెకానిక్గా పని చేస్తున్నాడు. భారత ప్రభుత్వం ఇటీవల పౌరసత్వ చట్టాన్ని సవరించడాన్ని సమర్థిస్తూ ఫేస్బుక్లో ఓ పోస్ట్ పెట్టాడు. సౌదీలోని హరీశ్ సహోద్యోగులు ఈ పోస్ట్ను అందరికీ షేర్ చేశారు. అది దేశవ్యాప్తంగా వైరల్ అయింది.
కొద్దిసేపటికే హరీశ్కు అసలు విషయం గుర్తొచ్చింది. తన పోస్టు ఓ వర్గానికి వ్యతిరేకంగా ఉందని గుర్తించాడు. అలా చేసినందుకు సౌదీ ప్రభుత్వానికి క్షమాపణలు చెప్పాడు. ఫేస్బుక్ ఖాతాను తొలగించాడు.
ఇక్కడితోనే అయిపోలేదు..
ఖాతా తొలగించిన అనంతరం.. కాస్త కుదుటపడ్డాడు హరీశ్. అయితే.. ఆ తర్వాత జరిగే పరిణామాలను ఊహించలేకపోయాడు. కాసరగోడుకు చెందిన ఓ వ్యక్తి హరీశ్ పేరుతో నకిలీ ఖాతా సృష్టించాడు. హరీశ్ పాత ఖాతాలానే ఉండేలా జాగ్రత్తలు తీసుకున్నాడు. ఆ ఖాతా నుంచి సౌదీ రాజుకు సంబంధించి వివాదాస్పద పోస్టులు చేశాడు. మక్కాలోనూ రామమందిరం నిర్మస్తామంటూ వ్యాఖ్యలు చేశాడు.
దేశవ్యాప్తంగా ఈ పోస్టులను వైరల్ చేశాడు ఆ వ్యక్తి. ఈ సారి సౌదీ పోలీసులు హరీశ్ను అరెస్ట్ చేశారు.
విడిపించేందుకు ప్రయత్నాలు..
ఈ విషయమై ఉడుపి ఠాణాలో హరీశ్ భార్య, అతని స్నేహితులు ఫిర్యాదు చేశారు. స్థానిక ఎంపీ శోభను కలిసి సాయం కోరారు. మొత్తంగా హరీశ్ను భారత్కు తీసుకొచ్చేందుకు తీవ్రంగా కృషి చేస్తున్నారు.
