దేశంలో కరోనా మహమ్మారి ఉద్ధృతి కొనసాగుతోంది. మహారాష్ట్ర, దిల్లీ, కర్ణాటక, బంగాల్, గుజరాత్ రాష్ట్రాల్లో రోజురోజుకు కొత్త కేసుల్లో రికార్డులు నమోదవుతున్నాయి. దేశవ్యాప్తంగా మొత్తం కేసులు 6 లక్షలు దాటగా, మరణాలు 18వేలకు చేరువయ్యాయి.
మహాలో 6వేలకుపైగా..
మహారాష్ట్రలో రికార్డు స్థాయిలో కేసులు నమోదవుతున్నాయి. గురువారం ఒక్క రోజే 6,330 మందికి కరోనా పాజిటివ్గా తేలింది. మరో 125 మంది ప్రాణాలు కోల్పోయారు. మొత్తం కేసుల సంఖ్య 1,86,626కు చేరింది. ఇప్పటి వరకు 1,01,172 మంది వైరస్ నుంచి కోలుకున్నారు. మొత్తం 8,178 మంది మరణించారు.
ముంబయిలో..
మహారాష్ట్ర రాజధాని ముంబయిలో కరోనా మహమ్మారి పంజా విసురుతోంది. తాజాగా 1554 కేసులు నమోదయ్యయి. మరో 57మంది ప్రాణాలు కోల్పోయారు. మొత్తం కేసుల సంఖ్య 80,262కు చేరింది.
దిల్లీలో..
దేశ రాజధాని దిల్లీలో.. కాస్త తగ్గుముఖం పట్టినట్లు కనిపించిన కరోనా మళ్లీ విజృంభిస్తోంది. తాజాగా 2373మందికి వైరస్ పాజిటివ్గా నిర్ధరణ అయింది. మరో 61మంది ప్రాణాలు కోల్పోయారు. మొత్తం కేసుల సంఖ్య 92,175కు చేరగా.. 2,864 మంది ప్రాణాలు కోల్పోయారు. 63,007 మంది వైరస్ బారి నుంచి కోలుకున్నారు. 26,304 మంది చికిత్స పొందుతున్నారు.
కర్ణాటకలో..
కర్ణాటకలో గురువారం 1502 కరోనా కేసులు బయటపడ్డాయి. మరో 19మంది మృతి చెందారు. మొత్తం కేసుల సంఖ్య 18,016కు చేరింది.
బంగాల్లో..
బంగాల్లో 649 కొత్త కేసులు నమోదయ్యాయి. 16మంది మరణించారు. గురువారం ఒక్క రోజే 509మంది ఆస్పత్రి నుంచి డిశ్చార్జ్ అయ్యారు. మొత్తం కేసుల సంఖ్య 19,819కి చేరింది. 699 మంది ప్రాణాలు కోల్పోయారు.
రాజస్థాన్లో..
రాజస్థాన్లో కరోనా మహమ్మారి పంజా విసురుతోంది. తాజాగా 350మందికి వైరస్ నిర్ధరణ అయింది. మొత్తం కేసుల సంఖ్య 18,662కు చేరగా.. ఇప్పటివరకు 14,948 మంది కోలుకున్నారు. 430 మంది మరణించారు.
జమ్ముకశ్మీర్లో...
జమ్ముకశ్మీర్లో కరోనా వేగంగా విస్తరిస్తోంది. జమ్ములో 154, కశ్మీర్లో 134మందికి తాజాగా వైరస్ పాజిటివ్గా తేలింది. మొత్తం కేసుల సంఖ్య 7849కి చేరింది.
బిహార్లో...
బిహార్ రాష్ట్రంలో 290 కొత్త కేసులు నిర్ధరణ అయ్యాయి. మొత్తం కేసుల సంఖ్య 10,683కు చేరింది.
మధ్యప్రదేశ్లో..
మధ్యప్రదేశ్లో కరోనా వైరస్ విజృంభిస్తోంది. కొత్తగా 245మందికి వైరస్ పాజిటివ్గా తేలగా.. 8 మంది ప్రాణాలు కోల్పోయారు. 160 మంది కోలుకున్నారు. మొత్తం కేసుల సంఖ్య 14,106కు చేరింది. 589మంది మరణించారు. 2702మంది చికిత్స పొందుతున్నారు.
పంజాబ్లో...
పంజాబ్లో 120 కొత్త కేసులు నమోదు కాగా.. మొత్తం కేసుల సంఖ్య 5784కు చేరింది.
గోవాలో...
గోవాలో తాజాగా 95మందికి కరోనా పాజిటివ్గా తేలింది. మొత్తం కేసుల సంఖ్య 1482కు చేరింది. 734మంది వైరస్ బారి నుంచి కోలుకున్నారు. 744 మంది చికిత్స పొందుతున్నారు. నలుగురు ప్రాణాలు కోల్పోయారు.
ఇదీ చూడండి: తమిళనాడులో కరోనా విజృంభణ.. లక్షకు చేరువలో కేసులు
