దిల్లీలోని భవనంలో మంటలు- తప్పిన పెను ప్రమాదం

దిల్లీలో మరోసారి అగ్నిప్రమాదం జరిగింది. అయితే ఏ ఒక్కరికీ ప్రాణాపాయం కలగలేదు. కృష్ణా నగర్ ప్రాంతంలోని ఓ భవనం కింది అంతస్తులో మంటలు చెలరేగాయి. ఒక్కసారిగా భవనంలోని వారందరూ పైకి చేరుకున్నారు. అగ్నిమాపక సిబ్బంది వారందరినీ కాపాడి, మంటలు ఆర్పేశారు.

దిల్లీలో పెను ప్రమాదం తప్పింది. కృష్ణా నగర్​లోని ఓ భవనంలో జరిగిన అగ్ని ప్రమాదం నుంచి 40 మందిని సురక్షితంగా రక్షించారు అధికారులు. ఈరోజు తెల్లవారుజామున 2:10 గంటల సమయంలో భవనం కింది అంతస్తులో మంటలు చెలరేగాయి. కిందకు దిగడానికి ఒకే మార్గం ఉండటం వల్ల నివాసితులందరూ భవనం పైకి చేరుకున్నారు.

సమాచారం అందుకున్న అధికారులు.... 5 అగ్నిమాపక యంత్రాలను, సిబ్బందిని పంపారు. సిబ్బంది వారిని సురక్షితంగా భవనం నుంచి బయటకు తీసుకొచ్చారు. ఉదయం నాలుగు గంటల సమయానికి మంటలను పూర్తిగా అదుపులోకి తెచ్చినట్లు అధికారులు స్పష్టం చేశారు.

ఇదీ చదవండి: పశ్చిమాసియాలో గ్రహణం-దుబాయ్​లో 'రింగ్​ ఆఫ్​ ఫైర్​'