ఉత్తర కశ్మీర్లోని నియంత్రణరేఖ వెంబడి మంగళవారం రెండు వేరువేరు చోట్ల మంచు చరియలు విరిగిపడిన ఘటనల్లో ఐదుగురు జవాన్లు ప్రాణాలు కోల్పోయారు. ఈ విషయాన్ని భారత సైన్యం వెల్లడించింది.
కుప్వారా జిల్లాలోని తంగ్ధర్ ప్రాంతంలో మంగళవారం మధ్యాహ్నం మంచు కొండ విరిగిపడింది. ఈ ప్రమాదంలో నలుగురు చిక్కుకున్నారు. వీరి మృతదేహాలను బుధవారం వెలికితీసినట్టు వివరించారు అధికారులు.
బందిపొరా జిల్లాలోని దవార్ ప్రాంతంలో ఇదే తరహా ప్రమాదం సంభవించగా... పదాతి దళంలోని ఇద్దరు మంచులో చిక్కుకున్నారు. ఈ ఘటనలో ఒకరు సురక్షితంగా బయటపడ్డారు. మరొకరి మృతదేహం.. గాలింపు చర్యల్లో భాగంగా లభించింది.
నవంబర్ 18న ఉత్తర సియాచిన్లో మంచు చరియల కింద ఎనిమిది మందితో కూడిన జవాన్ల బృందం చిక్కుకుపోయిన ఘటనలో నలుగురు భారత సైనికులు, ఇద్దరు సహాయకులు మృతిచెందారు. గస్తీ నిర్వహిస్తున్న సమయంలో ఘటన జరిగినట్లు అధికారులు తెలిపారు.
ఇదీ చూడండి:- జవాన్ల మధ్య ఘర్షణ- కాల్పుల్లో ఆరుగురు మృతి
