లాక్డౌన్తో దేశవ్యాప్తంగా వివిధ రాష్ట్రాల్లో చిక్కుకున్న వలస కార్మికులను స్వరాష్ట్రాలకు తరలించేందుకు శ్రామిక్ రైళ్లను నడుపుతోంది కేంద్రం. ఈ క్రమంలో మే 1 నుంచి ఇప్పటి వరకు 302 శ్రామిక్ రైళ్లను నడిపినట్లు రైల్వే శాఖ వెల్లడించింది. మొత్తం 3.4 లక్షల మంది వలస కార్మికులు, విద్యార్థులు, యాత్రికులు, పర్యటకులను స్వస్థలాలకు చేర్చినట్లు తెలిపింది.
దిల్లీలోని వివిధ ప్రాంతాల నుంచి గురువారం (మే 7న)-61, శుక్రవారం (మే 8న)-53, శనివారం (మే 9న)-34 రైళ్లలో వలస జీవులను వారి వారి గమ్యస్థానాలకు చేర్చినట్లు రైల్వే శాఖ సీనియర్ అధికారి ఒకరు తెలిపారు.
కరోనా విజృంభణతో మార్చి 24 నుంచి ప్యాసింజర్, మెయిల్, ఎక్స్ప్రెస్ రైళ్లను రద్దు చేసింది రైల్వే శాఖ. కేవలం అత్యవసర సరకుల రవాణా కోసం గూడ్స్ ట్రైన్లు నడుపుతోంది. అయితే.. లాక్డౌన్తో వివిధ రాష్ట్రాల్లో చిక్కుకున్న వలస కార్మికులను తరలించేందుకు రాష్ట్ర ప్రభుత్వాల వినితి మేరకు మే 1 నుంచి శ్రామిక్ రైళ్లను నడుపుతోంది రైల్వే శాఖ.
