దేశంలో కరోనా వైరస్ వేగంగా విస్తరిస్తోంది. రోజు రోజుకు కేసులు పెరుగుతున్నాయి. దేశవ్యాప్తంగా ఇప్పటి వరకు మొత్తం కేసుల సంఖ్య 12,759కి పెరిగింది.
ముంబయిలో 2వేలు దాటిన కేసులు
మహారాష్ట్రలో కరోనా మహమ్మారి వేగంగా విస్తరిస్తోంది. రాజధాని ముంబయిలో ఈ వైరస్ ప్రభావం అధికంగా ఉంది. ఇవాళ ఒక్కరోజే 107 కేసులు నమోదయ్యాయి. మొత్త రాష్ట్రవ్యాప్తంగా కేసుల సంఖ్య 3,081కి చేరింది. 187 మంది ప్రాణాలు కోల్పోయారు.
గుజరాత్లో 105 కొత్త కేసులు..
గుజరాత్లో కరోనా ప్రభావం క్రమంగా పెరుగుతోంది. నేడు 105 కొత్త కేసులు నమోదు కాగా.. మొత్తం కేసులు సంఖ్య 871కి చేరింది.
ఎంపీలో 110..
మధ్యప్రదేశ్లో ఈ రోజు 110 మందికి కరోనా పాజిటివ్గా తేలింది. మొత్తం కేసుల సంఖ్య 1120కి చేరింది. 64 మంది ప్రాణాలు కోల్పోయారు. ఇండోర్లో అత్యధికంగా 696 మందికి కరోనా సోకగా.. 39 మంది మరణించారు.
వెయ్యి కేసులు దాటిన రాష్ట్రాలు..
దేశంలో 5 రాష్ట్రాల్లో వెయ్యికిపైగా కేసులు నమోదయ్యాయి. ఆ జాబితాలో మహారాష్ట్ర తొలిస్థానంలో ఉంది.
- మహారాష్ట్ర- 3,081
- దిల్లీ -1,578
- తమిళనాడు- 1,242
- రాజస్థాన్ -1,023
- మధ్యప్రదేశ్- 1,120
