గ్యాంగ్ ​రేప్ కేసు నిందితుడిపై పోలీసుల కాల్పులు!

బెంగళూరు గ్యాంగ్ రేప్​ ఘటనలో ప్రధాన నిందితుడు షోబజ్​ను పోలీసులు అరెస్టు చేశారు. ఈ క్రమంలో పారిపోయేందుకు యత్నించిన అతడిపై కాల్పులు జరిపినట్లు పేర్కొన్నారు.

బెంగళూరు గ్యాంగ్​ రేప్ ఘటనలో ప్రధాన నిందితుడిని పోలీసులు అరెస్టు చేశారు. అరెస్టు అనంతరం అతడు తప్పించుకునేందుకు యత్నించగా కాల్పులు జరిపినట్లు పేర్కొన్నారు. ప్రస్తుతం నిందితుడు ఆసుపత్రిలో చికిత్స పొందుతున్నట్లు స్పష్టం చేశారు.

ఆసుపత్రిలో చికిత్స పొందుతున్న షోబజ్

ఇదీ జరిగింది..

బంగ్లాదేశ్​కు చెందిన యువతి జననాంగంలో సీసాను జొప్పించి, హింసించిన ఘటనలో షోబజ్ ప్రధాన నిందితుడు. అయితే.. ఈ ఘటనకు సంబంధించిన వీడియోలు వైరల్ అయిన క్రమంలో షోబజ్ పరారయ్యాడు. ఈ నేపథ్యంలో శ్రీరాంపుర్లోని ఓ తుక్కు గోదాములో షోబజ్ ఉన్నట్లు పోలీసులకు సమాచారం అందింది. వెంటనే అక్కడికి చేరుకున్న పోలీసులు అతడిని అరెస్టు చేశారు.

కాల్పులు జరిపిన స్థలంలో పోలీసులు

నిందితుడిని పోలీసు స్టేషన్​కు తరలిస్తున్న సమయంలో అతడు తప్పించుకునేందుకు ప్రయత్నించాడని పోలీసులు తెలిపారు. హెడ్ కానిస్టేబుల్ దేవెందర్ నాయక్, ఓ ఎస్సైపై.. షోబజ్ దాడి చేసినట్లు వెల్లడించారు. ఈ నేపథ్యంలో అతనిపై కాల్పులు జరిపినట్లు స్పష్టం చేశారు. ఈ కేసుకు సంబంధించి ఇప్పటివరకు 10 మందిని అరెస్టు చేసినట్లు వెల్లిడించారు.

షోబజ్

ఇదీ చదవండి:ఆస్పత్రిలో కరోనా రోగి మృతి- వైద్యుడిపై బంధువుల దాడి