బంగాల్ శాసనసభ ఎన్నికల తొలి దశ పోలింగ్ ప్రశాంతంగా జరుగుతోంది. ఉదయం 7 గంటల నుంచే ఓటర్లు పెద్ద ఎత్తున పోలింగ్ కేంద్రాలకు వచ్చి తమ ఓటు హక్కును వినియోగించుకుంటున్నారు. కొవిడ్ దృష్ట్యా పలు జాగ్రత్తలు వహిస్తూ పోలింగ్ నిర్వహిస్తున్నారు అధికారులు.
పురులియా, ఝార్గ్రామ్, పశ్చిమ మెదినీపుర్లోని పోలింగ్ కేంద్రాల వద్ద ఓటర్లు బారులు తీరారు.
అయితే.. కొందరు ఓటర్లను మభ్యపెడుతున్నారని, పోలింగ్ కేంద్రాల్లో అవకతవకలు జరుగుతున్నాయని భాజపా నేత సౌమేందు అధికారి ఆరోపించారు. కొన్ని ప్రాంతాల్లో ఈవీఎంలు సరిగ్గా పనిచేయడం లేదని అన్నారు.
పోలింగ్ కేంద్రాల్లో కొవిడ్ నిబంధనలు పాటిస్తూ ఓటు హక్కును వినియోగించుకుంటున్నారు ఓటర్లు.
బంగాల్లో పోలింగ్ 8 దశల్లో జరగనుంది. తొలి దశలో 30 స్థానాల నుంచి మొత్తం 191 మంది అభ్యర్థులు అదృష్టం పరీక్షించుకుంటున్నారు.
ఇదీ చదవండి:ఆదర్శ రైతన్న- వర్షపు నీటి కోసం 6కోట్ల లీటర్ల కుంట
