bamboo socks in kolhapur: ఇష్టమైన వ్యాపారాల కోసం పెద్ద పెద్ద ఉద్యోగాలను వదులుకుంటున్నారు చాలా మంది. అలాగే ఓ విభిన్న ఆలోచనతో ఉన్న నవీన్ కుమార్ మాలి.. వెదురు బొంగులతో సాక్స్లు తయారుచేసే వ్యాపారాన్ని ప్రారంభించాడు. ఈయన మహారాష్ట్రలోని కొల్హాపుర్కు చెందిన వ్యక్తి. అయితే కొన్నేళ్ల క్రితం పని మీద తైవాన్ వెళ్లాడు. ఆ సమయంలో వెదురుతో తయారుచేసిన సాక్స్లను గమనించి.. వాటి గురించి అడిగి తెలుసుకున్నాడు. అప్పుడే నవీన్కు తన స్వస్థలం కొల్లాపూర్లో ఈ వ్యాపారం ప్రారంభించాలనే ఆలోచన వచ్చింది.
కొల్హాపుర్‌లోని ఇచల్‌కరంజిలో ఈ వ్యాపారాన్ని ప్రారంభించాడు నవీన్. ప్రయోగాత్మకంగా మొదలైన ఈ వ్యాపారం ఇప్పుడు బాగానే ఉందని అంటున్నాడు. అతడు ఈ సాక్స్లకు 'బాంబూ బీ ప్లస్' అని పేరు పెట్టాడు. వెదురును మొదట చూర్ణంగా మార్చి.. ఆ చూర్ణం నుంచి నూలు దారాన్ని తయారు చేస్తారు. ఆ దారాలను విభిన్న రంగులలోకి మార్చి సాక్స్లను తయారుచేస్తారు. ఈ దారాల తయారీ కోసం తమిళనాడుకు చెందిన ఓ నిపుణుడిని నియమించుకున్నాడు నవీన్ మాలి.
"ఇచ్చల్‌కరంజిలోని ఫ్యాక్టరీలో నేత పనులు ప్రారంభించాం. ఇందుకోసం తైవాన్ నుంచి అత్యాధునిక పరికరాలను తెప్పించాం. ఈ సాక్స్ల తయారీకి పెద్దగా శ్రమ అవసరం లేదు. వెదురు బొంగులతో తయారుచేసిన సాక్స్లకు ప్రస్తుతం మార్కెట్లో విపరీతమైన డిమాండ్ ఉంది. వెదురు సాక్స్ల నాణ్యత ఇతర సాక్స్ల కంటే మెరుగ్గా ఉంటుంది. ఈ సాక్స్లను నిత్యం ఉపయోగిస్తే పాదాల ఆరోగ్యం మెరుగుపడుతుంది. ఇన్ఫెక్షన్‌ను నివారించడంలో వెదురు సాక్స్లు చాలా బాగా పనిచేస్తాయి. ఈ సాక్స్లు చర్మాన్ని పొడిగా, చల్లగా ఉంచుతాయి. ఇతర సాక్స్‌లతో పోలిస్తే ఇవి చాలా మృదువుగా ఉంటాయి. వీటిని వరుసగా 5 రోజులు ఉతకకుండా వేసుకున్నా ఎటువంటి దుర్వాసన రాదు. ఇవి పర్యావరణానికి ఎటువంటి హాని చేయవు.
మా సంస్థ వెబ్సైట్, పుణె, కొల్హాపూర్లో మాత్రమే ఈ సాక్స్లు అందుబాటులో ఉంటాయి. అలాగే వ్యవసాయ ప్రదర్శనలతో పాటు ఎగ్జిబిషన్లు జరిగే చోట ఈ సాక్స్లను ప్రదర్శిస్తాం. మా నుంచి సాక్స్ కొనుగోలు చేసినవారు మళ్లీ మళ్లీ మా దగ్గరే కొంటున్నారు. ప్రస్తుతం సాక్స్ల ధర రూ.200 నుంచి రూ.300 వరకు ఉంది. కాస్త ఎక్కువ ధరే అని చెప్పాలి. అయితే ప్రస్తుతం వ్యాపారం పెద్దగా జరగడం లేదు. వ్యాపారం బాగా జరిగితే.. ఈ సాక్స్ల ధరను తగ్గించగలను. "
- నవీన్ కుమార్ మాలి, బాంబూ బీ ప్లస్ యజమాని
ఇదీ చదవండి: స్వీపర్గా తల్లి పనిచేసే బడికి చీఫ్ గెస్ట్గా కుమారుడు.. ఎమ్మెల్యే హోదాలో...
