భాజపా అభ్యర్థిపై దుండగుల దాడి.. ఆసుపత్రికి తరలింపు

Attack on BJP Candidate: పంజాబ్​లో భాజపా అభ్యర్థిపై గుర్తుతెలియని వ్యక్తులు దాడికి పాల్పడ్డారు. ఓ సమావేశానికి హాజరై తిరిగి వస్తున్న క్రమంలో ఈ ఘటన జరిగినట్లు అధికారులు వెల్లడించారు. బాధితుడిని ఆసుపత్రికి తరలించారు పోలీసులు.

Attack on BJP Candidate: పంజాబ్​లోని లుథియానా జిల్లా ఖేరీ గ్రామంలో అక్కడి భాజపా అభ్యర్థి సుచా రామ్​​ లాధర్​పై గుర్తుతెలియని వ్యక్తులు దాడికి పాల్పడ్డారు. ఆదివారం సాయంత్రం జరిగిన ఈ ఘటనలో.. గాయపడిన లాధర్​ను అధికారులు ఆసుపత్రికి తరలించారు. ఈ దాడిపై దర్యాప్తు చేపడుతున్నట్లు అధికారులు వెల్లడించారు.

ఇదీ జరిగింది..

లుథియానాలోని గిల్​ నియోజకవర్గం అభ్యర్థిగా పోటీచేయనున్న లాధర్​.. ఖేరీ గ్రామంలోని ఓ సమావేశానికి హాజరయ్యారు. అక్కడి నుంచి తిరిగి వస్తున్న క్రమంలో ఓ మూక ఆయన కారును అడ్డగించి ఇటుకలతో దాడి చేసింది. ఈ క్రమంలో గాయపడిన లాధర్​ను పోలీసులు స్థానిక ఆసుపత్రికి తరలించారు.

దుండగుల దాడిలో ధ్వంసమైన కారు అద్దం

ఆసుపత్రిలో చికిత్స పొందుతున్న లాధర్

ఆసుపత్రి వద్ద పోలీసులు

ప్రస్తుతం లాధర్​ ఆరోగ్యం నిలకడగా ఉందని... ఈ ఘటనకు సంబంధించి దర్యాప్తును ముమ్మరం చేసినట్లు అధికారులు వెల్లడించారు.

అంతకుముందు.. కేంద్ర హోంమంత్రి అమిత్​ షా ఆధ్వర్యంలో లుథియానాలో నిర్వహించిన ర్యాలీలో లాధర్​ పాల్గొన్నారు.

ఇదీ చూడండి : అమరీందర్​ను తొలగించడానికి కారణం అదే.. : ప్రియాంక