అసోం ముఖ్యమంత్రి హిమంత బిశ్వ శర్మ(Assam Cm Himanta Biswa Sarma).. ఓ కొత్త నియమాన్ని అమలులోకి తీసుకువచ్చారు. కేబినెట్లో ప్రతి మంత్రికి కొందరు ఎమ్మెల్యేలను అప్పజెప్పారు. మంత్రులు తమ ఎమ్మెల్యేల బృందంతో నిరంతరం చర్చలు జరిపేలా ఉండేందుకు ఈ నిర్ణయం తీసుకున్నట్లు తెలిపారు.
అసోం గణ పరిషత్, యునైటెడ్ పీపుల్స్ పార్టీ లిబరల్ ఎమ్మెల్యేలను కూడా ఈ మంత్రుల బృందంలో చేర్చినట్లు హిమంత పేర్కొన్నారు. నెలలో.. ప్రతీ రెండు, నాలుగో మంగళవారాల్లో తమ బృందంలోని ఎమ్మెల్యేలను.. మంత్రులు భోజనానికి ఆహ్వానించాలని సీఎం ఆదేశించారు. ఈ క్రమంలో ఎమ్మెల్యేలు తమ ప్రాంతంలోని సమస్యలను మంత్రుల దృష్టికి తీసుకురావాలని స్పష్టం చేశారు. ప్రభుత్వ పాలనపై ప్రజల అభిప్రాయమేమిటో తెలపాలని సూచించారు. ఈ విధంగా మంత్రుల నుంచి వివరాలు పూర్తి స్థాయిలో ముఖ్యమంత్రికి చేరుతాయని హమంత అభిప్రాయపడ్డారు.
ఇదీ చదవండి:'మైనారిటీలూ.. కుటుంబ నియంత్రణ పాటించండి'
