అసోం శాసనసభ ఎన్నికల మూడో దశ పోలింగ్ ప్రారంభమైంది. మొత్తం 40 స్థానాలకు ఓటింగ్ జరుగుతోంది. ప్రజలు తమ ఓటు హక్కును వినియోగించుకునేందుకు బారులు తీరారు. సాయంత్రం 6 గంటల వరకు పోలింగ్ జరగనుంది.
అసోం మూడో దశ
- శాసన సభ స్థానాలు: 40
- మొత్తం అభ్యర్థులు: 337
- ఓటర్లు: 79,19,641
- పురుషులు: 40,11,539
- మహిళలు: 39,07,963
- ఇతరులు: 139
- మొత్తం జిల్లాలు: 11
- పోలింగ్ కేంద్రాలు: 11,401
కరోనా వైరస్ వ్యాప్తి నేపథ్యంలో పోలింగ్ కేంద్రాల వద్ద తగిన జాగ్రత్తలు తీసుకున్నారు అధికారులు. కొవిడ్ బాధితులకు, దివ్యాంగులకు, 80 ఏళ్ల దాటిన వృద్ధులకు ఎన్నికల సంఘం పోస్టల్ బ్యాలెట్ పద్ధతిని అందుబాటులో ఉంచింది.
మరోసారి అసోంలో ప్రభుత్వం స్థాపించాలని భాజపా పట్టుదలతో ఉంది. కమళదళాన్ని గద్దె దించి అధికారం చేపట్టాలని కాంగ్రెస్ ఊవిళ్లూరుతోంది. ఇందుకోసం కాంగ్రెస్ మహాజోత్ పేరుతో కూటమి ఏర్పాటు చేసింది. ఇందులో ఏఐయూడీఎఫ్, సీపీఐ, సీపీఎం, సీపీఐ (మార్క్సిస్ట్-లెనినిస్ట్), ఏజీఎం, బీపీఎఫ్ పార్టీలు ఉన్నాయి.
భాజపా ఏజీపీ, యూపీపీఎల్ పార్టీలతో కలిసి పోటీ చేసింది.
ఇదీ చదవండి : లైవ్ అప్డేట్స్: ఓటేసిన కమల్-రజనీ
