ఆ రాష్ట్రంలో 19 ఏళ్లలో 4000 అత్యాచారాలు

ఉత్తరాఖండ్​లో అత్యాచార బాధితుల గ్రాఫ్ దిగ్భాంతిని కలిగిస్తోంది. గత 19 ఏళ్లలోనే 4000 మంది మహిళలు అత్యాచారానికి గురయ్యారు. రూ.4కోట్ల 81లక్షల 80వేలను బాధితుల కోసం ఆ రాష్ట్ర ప్రభుత్వం వెచ్చించింది.

ఉత్తరాఖండ్​లో సమాచార హక్కు చట్టం కింద విడుదల చేసిన అత్యాచార కేసుల వివరాలు అందరినీ విస్మయానికి గురిచేస్తున్నాయి. 2019 నాటికి గత 19 ఏళ్లలోనే 4000 మంది మహిళలు అత్యాచారానికి గురయ్యారు. అంటే ప్రతి ఏటా సరాసరి 200 మంది మహిళలు రేప్​ బాధితులుగా మారారు.

3956 అత్యాచార కేసులు, 19 యాసిడ్​ దాడి కేసులు నమోదయ్యాయని ఆర్​టీఐ చట్టం కింద హల్ద్వారాకు చెందిన డిప్యూటీ ఇన్​స్పెక్టర్​ ఆఫ్​ పోలీసు హేమంత్​ గోనియా ఈ వివరాలు వెల్లడించారు. రూ.4కోట్ల 81లక్షల 80వేలను అత్యాచార బాధితుల కోసం ఆ రాష్ట్ర ప్రభుత్వం వెచ్చించింది. యాసిడ్​ దాడి బాధితులకు రూ. 17 లక్షల 90 వేలను ఖర్చుచేసింది.

''ఉత్తరాఖండ్​లో నేరాలు విపరీతంగా పెరిగిపోతున్నాయి. ప్రతీ సంవత్సరం అత్యాచార కేసులు పెరుగుతూనే ఉన్నాయి. వీటిని అరికట్టడానికి దృఢమైన చట్టాలను తీసుకురావడంలో ప్రభుత్వం విఫలమవుతోంది. రేప్​ కేసులు, యాసిడ్ దాడుల్లో దోషుల పట్ల ప్రభుత్వం కఠినంగా వ్యవహరించాలి.''

- హేమంత్​ గోనియా,డిప్యూటి ఇన్​స్పెక్టర్​ ఆఫ్​ పోలీసు

ప్రతి ఏడాది అత్యాచార కేసుల వివరాలు

ఇదీ చదవండి:కన్న కొడుకుల్ని చంపి.. తానూ ఆత్మహత్య