గురువారం నుంచి అమిత్​ షా 'ఆపరేషన్​ బంగాల్'

రానున్న అసెంబ్లీ ఎన్నికల గురించి చర్చించేందుకు రెండు రోజులు పశ్చిమ్​ బంగాలో పర్యటించనున్నారు కేంద్ర హోంమంత్రి అమిత్​ షా. ఈ సందర్భంగా బంకురా, కోల్​కతా పార్టీ శ్రేణులతో షా సమావేశమవుతారని భాజపా సీనియర్ నేతలు వెల్లడించారు.

కేంద్ర హోంమంత్రి, భాజపా సీనియర్ నేత అమిత్​ షా గురువారం నుంచి రెండు రోజులు బంగాల్​లో పర్యటించనున్నట్లు భాజపా సీనియర్​ నేత వెల్లడించారు. 2021 అసెంబ్లీ ఎన్నికలపై బంకురా, కోల్​కతాలోని పార్టీ శ్రేణులతో మాట్లాడనున్నట్లు పేర్కొన్నారు.

" నవంబర్​ 4న షా కోల్​కతాకు చేరుకుంటారు. నవంబర్​ 5న మిద్నాపూర్​, బీర్భం, పురూలియా, బంకురా జిల్లాలకు చెందిన భాజపా శ్రేణులతో బంకురాలో సమావేశమవుతారు. తర్వాత రోజు... క్లాసికల్​ సింగర్ పండిట్ అజయ్ చక్రవర్తిని కలుస్తారు. అనంతరం కోల్​కతాలోని భాజపా పార్టీ శ్రేణులతో సమావేశమవుతారు".

-సయంతన్ బసు, రాష్ట్ర భాజపా ప్రధాన కార్యదర్శి

బంగాల్ గవర్నర్​ జగ్​దీప్ ధన్​ఖర్ గత వారం అమిత్​ షాను దిల్లీలో కలిసి రాష్ట్ర పరిస్థితుల గురించి చర్చించారు. ఈ నేపథ్యంలో షా పర్యటన కీలకంగా మారింది.

ఇదీ చదవండి:'ఆత్మహత్య' కేసులో అర్నబ్ గోస్వామి అరెస్టు