బిహార్లో ఎన్నికల ఫలితాల గురించి కేంద్ర హోం మంత్రి అమిత్ షా.. సీఎం నితీశ్ కుమార్తో మాట్లాడారని జేడీయూ వర్గాలు తెలిపాయి. అయితే ఇరువురూ ఫోన్లో సంభాషించిన అంశాలను వెల్లడించేందుకు వారు నిరాకరించినప్పటికీ.. ఎన్నికల ఫలితాలపైనే చర్చించారని పేర్కొన్నారు.
ఓట్ల లెక్కింపులో ఇప్పటివరకు ఎన్డీయే.. మహాకూటమిపై స్వల్ప ఆధిక్యంలో కొనసాగుతోంది.
అయితే.. ఎన్నికల్లో భాజపా, జేడీ(యూ) గెలుపొందే సీట్లతో సంబంధం లేకుండా కూటమి తరఫున నితీశ్ కుమారే ముఖ్యమంత్రిగా ఉంటారని షా ఇప్పటికే ప్రకటించారు.
నితీశ్ను కలవనున్న సుశీల్..
బిహార్ ఉప ముఖ్యమంత్రి సుశీల్ కుమార్ మోదీ, రాష్ట్ర భాజపా ఇంఛార్జ్ భూపేందర్ యాదవ్లు.. సీఎం నితీశ్ కుమార్ను కలిసేందుకు ఆయన ఇంటికి వెళ్లారు.
ఇదీ చదవండి: బిహార్లో హోరాహోరీ- పిక్చర్ అబీ బాకీ హై!
