టెన్త్, డిగ్రీ అర్హతతో ఎయిర్​పోర్ట్​లో 119 అసిస్టెంట్​ జాబ్స్​

Airport Jobs 2023 : ఎయిర్​పోర్ట్​లో ఉద్యోగం చేయాలని చూస్తున్న వారికి శుభవార్త. ప్రభుత్వ రంగ సంస్థ ఎయిర్‌పోర్ట్స్ అథారిటీ ఆఫ్ ఇండియాలో మొత్తం 119 పోస్టులకు సంబంధించి నోటిఫికేషన్​ విడుదలైంది. మరి వీటికి దరఖాస్తు చేసుకోవడానికి కావాల్సిన విద్యార్హతలు, దరఖాస్తు చివరి తేదీ​ తదితర వివరాలు మీకోసం.

Airport Jobs 2023 : ఏవియేషన్​ రంగంలో జాబ్​ కోసం చూస్తున్న ఆశావాహులకు గుడ్​న్యూస్​. ప్రభుత్వ రంగ సంస్థ ఎయిర్‌పోర్ట్స్ అథారిటీ ఆఫ్ ఇండియా(ఏఏఐ) మొత్తం 119 జూనియర్ అసిస్టెంట్​, సీనియర్​ అసిస్టెంట్​ పోస్టులకు సంబంధించి నోటిఫికేషన్​ను విడుదల చేసింది. ఆసక్తిగల యువతీయువకులు గడువులోగా ఆన్​లైన్​లో దరఖాస్తు చేసుకోవచ్చు.

పోస్టుల వివరాలు
Jr Assistant & Sr Assistant Vacancy 2023 : 119 జూనియర్ అసిస్టెంట్​, సీనియర్ అసిస్టెంట్​ ఉద్యోగాలు

• జూనియర్​ అసిస్టెంట్​(ఫైర్​ సర్వీస్​)- 73
• జూనియర్​ అసిస్టెంట్​(ఆఫీస్​)- 02
• సీనియర్​ అసిస్టెంట్​(ఎలక్ట్రానిక్స్​)- 25
• సీనియర్​ అసిస్టెంట్​(అకౌంట్స్​)- 19

కావాల్సిన అర్హతలు(Airport Assistant Jobs 2023 Eligibility Details)

పోస్ట్​ పేరు	అర్హతలు
జూనియర్​ అసిస్టెంట్​ (ఫైర్​ సర్వీస్​)	10వ తరగతి, ఇంటర్​, డిప్లొమా (మెకానికల్/​ ఆటోమొబైల్​/ ఫైర్​), HMV, LMV లైసెన్సు
జూనియర్​ అసిస్టెంట్​ (ఆఫీస్​)	ఏదైనా డిగ్రీ
సీనియర్​ అసిస్టెంట్​ (ఎలక్ట్రానిక్స్​)	డిప్లొమా(ఎలక్ట్రానిక్స్, టెలికమ్యునికేషన్​/ రేడియో ఇంజినీరింగ్​)
సీనియర్​ అసిస్టెంట్​ (అకౌంట్స్​)	ఏదైనా డిగ్రీ

వయో పరిమితి (Airport Assistant Jobs 2023 Age Limit)​

• కనిష్ఠ వయసు- 18 ఏళ్లు
• గరిష్ఠ వయసు- 30 ఏళ్లు
• నిబంధనల ప్రకారం వయోపరిమితి సడలింపులు వర్తిస్తాయి.

అప్లికేషన్​ ఫీజు(Airport Assistant Jobs 2023 Application Fees)

• ఎస్​సీ, ఎస్​టీ, దివ్యాంగులు, ఎక్స్​- సర్వీస్​మెన్​, మహిళా అభ్యర్థులకు ఎటువంటి దరఖాస్తు రుసుము లేదు.
• మిగతా కేటగరీలకు చెందిన అభ్యర్థులు రూ.1000 దరఖాస్తు రుసుముగా చెల్లించాల్సి ఉంటుంది.

ముఖ్యమైన తేదీలు(Airport Assistant Jobs 2023 Important Dates)

• దరఖాస్తు స్వీకరణ ప్రారంభ తేదీ- 2023 డిసెంబర్​ 27
• దరఖాస్తుకు చివరి తేదీ- 2024 జనవరి 26

అధికారిక వెబ్​సైట్​
AAI Official Website : పరీక్షా తేదీ, సిలబస్​ సహా నోటిఫికేషన్​కు సంబంధించి మరిన్ని వివరాల కోసం AAI అధికారిక వెబ్​సైట్ ​www.aai.aero ను సందర్శించవచ్చు.

అప్లై చేసుకోండిలా(How To Apply For Airport Assistant Jobs 2023)

• ముందుగా AAI అధికారిక వెబ్​సైట్​ www.aai.aero లోకి లాగిన్​ అవ్వండి.
• హోంపేజీలో కనిపించే కెరీర్​ ట్యాబ్​పై క్లిక్​ చేయండి.
• ఇప్పుడు AAI దక్షిణ రీజియన్​లో కనిపించే Direct Recruitment for ​Jr.Asst (Fire Service) under SRD, Jr. Asst (Office), Sr.Asst(Electronics), Sr.Asst(Accounts)కు సంబంధించిన రిజిస్ట్రేషన్​ లింక్​పై క్లిక్​ చేయండి.
• రిజిస్ట్రేషన్​ పూర్తయ్యాక అప్లికేషన్​ ఫారాన్ని నింపండి.
• కావాల్సిన డాక్యుమెంట్లన్నింటినీ స్కాన్​ చేసి అప్లోడ్​ చేయండి.
• దరఖాస్తు రుసుమును చెల్లించండి
• చివరగా ముందు జాగ్రత్త కోసం దరఖాస్తు పత్రాన్ని ప్రింట్​అవుట్​ తీసి పెట్టుకోండి.