Airplane Tire Explosion: బెంగళూరు దేవనహళ్లిలోని కెంపెగౌడ అంతర్జాతీయ విమానాశ్రయంలో పెనుప్రమాదం తప్పింది. విమానం ల్యాండింగ్ అవుతుండగా.. వెనుక టైరు పేలిపోయింది. అయితే ఎలాంటి ప్రాణనష్టం జరగలేదు. విమానం సురక్షితంగా ల్యాండ్ అయినట్లు అధికారులు స్పష్టం చేశారు. మంగళవారం రాత్రి 11.30 గంటల సమయంలో ఈ ఘటన జరిగినట్లు వెల్లడించారు.
థాయ్ ఎయిర్వేస్కు చెందిన విమానం బ్యాంకాక్ నుంచి వస్తుండగా ఈ ప్రమాదం జరిగింది. టైరు పేలడం గమనించిన విమానాశ్రయ అధికారులు.. పైలట్ను అప్రమత్తం చేశారు. దీంతో విమానం సేఫ్గా ల్యాండ్ అయింది. అనంతరం.. విమానాన్ని సురక్షిత ప్రదేశానికి తరలించారు. ఘటనపై దర్యాప్తు జరుగుతోంది.
కొద్దిరోజుల క్రితం ఇలాంటి ఘటనే పుణె ఎయిర్పోర్ట్లో జరిగింది. గాల్లో ఉండగా విమానం టైరు పేలిపోయింది. ఈ కారణంగా.. ల్యాండ్ అవుతుండగా రన్వే కూడా దెబ్బతింది. దీంతో ఇతర విమానాల రాకపోకలకు కూడా తీవ్ర అంతరాయం ఏర్పడింది. ప్రయాణికులు గంటల తరబడి విమానాశ్రయంలోనే నిరీక్షించాల్సి వచ్చింది. ఈ పూర్తి కథనం కోసం ఇక్కడ క్లిక్ చేయండి.
ఇవీ చూడండి: ముఖ్యమంత్రిపై ఎద్దు దాడి.. లక్కీగా..
ముహుర్తం టైం దాటినా బరాత్లో స్టెప్పులు.. వరుడ్ని చితకబాది, పెళ్లి క్యాన్సిల్!
