సాగుచట్టాలపై రైతులతో చర్చించేందుకు సిద్ధంగా ఉన్నామని కేంద్ర వ్యవసాయ శాఖ మంత్రి నరేంద్ర సింగ్ తోమర్ స్పష్టం చేశారు. చట్టాలపై ఉన్న అభ్యంతరాలను తెలపాలన్నారు.
" దేశంలోని అన్ని రాజకీయ పార్టీలు వ్యవసాయంలో సంస్కరణలు తీసుకురావాలని అనుకున్నాయి. కానీ వారికి ధైర్యం సరిపోలేదు. కానీ మోదీ ప్రభుత్వం అడుగు ముందుకేసింది. సంస్కరణలు తీసుకొచ్చింది. ఈ సంస్కరణల వల్ల దేశంలోని అనేక ప్రాంతాల్లోని రైతులు లబ్ధి పొందారు. ఈ లోపు రైతు ఉద్యమం మొదలైంది."
-- నరేంద్ర సింగ్ తోమర్, కేంద్ర వ్యవసాయ శాఖ మంత్రి
సాగుచట్టాలపై కేంద్రం, రైతు సంఘాల మధ్య ఇప్పటివరకు 11 సార్లు చర్చలు జరిగాయి. జనవరి 22 న చివరిసారి చర్చలు జరిగాయి. జనవరి 26న ఎర్రకోట ఘటన తర్వాత.. చర్చలు ప్రారంభంకాలేదు.
ఇదీ చదవండి : Rahul: 'స్థానిక భాషలను కాపాడుకుందాం'
