గాలి ద్వారా కరోనా వైరస్ వ్యాప్తి చెందుతోందన్న ఆందోళనల మధ్య వినూత్న ఆలోచనతో ముందుకొచ్చింది ఏరియల్వర్క్స్ ఏరో ఎల్ఎల్పీ అనే సంస్థ. చిన్నపాటి విమానాల సాయంతో క్రిమిసంహారక ద్రావణాన్ని పిచికారీ చేస్తోంది.
ఆఫ్రికా, అమెరికాలో ఇప్పటికే ఈ సంస్థ భారీ స్థాయిలో ఏరియల్ స్ప్రే పనులు చేపట్టింది. ఆధునిక సాంకేతికతతో సేంద్రీయ ద్రావణాన్ని మైక్రాన్ల పరిమాణంలో పిచికారీ చేసి, గాలిలో ఎక్కువ సమయం ఉండేలా చేస్తుంది. దాంతో గాలి తుంపర్లలో తేలియాడే బ్యాక్టీరియా, వైరస్ను నశింపజేసి, కొవిడ్ సోకే ముప్పును తగ్గిస్తుంది.
బెంగళూరులోని అత్యధిక జనాభా గల ప్రాంతాల్లో పిచికారీ కోసం ఏరోవర్క్క్ తో 3 రోజుల పైలట్ ప్రాజెక్టును ప్రారంభించారు కర్ణాటక ఆర్థిక మంత్రి ఆర్.అశోక్.
300 లీటర్ల లోడింగ్ సామర్థ్యంతో గంటకు 741 ఎకరాల్లో అమెరికన్ ఛాంపియన్ స్కౌట్ విమానంతో క్రిమిసంహాకర ద్రావణాన్ని పిచికారీ చేస్తోంది ఏరోవర్క్స్ ఎల్ఎల్పీ. మంచి ఫలితాల కోసం ఐసీఎంఆర్ ధ్రువీకరించిన ఎయిర్లెన్స్ మైనస్ కరోనా, సుగరధాన అనే రెండు రకాల సేంద్రీయ ద్రావణాల్ని వాడుతోంది. ఈ రెండూ రసాయన రహిత, మానవ సురక్షిత ద్రావణాలు.
ఇదీ చూడండి: ఐఐటీ కాన్పుర్ కనిపెట్టిన ఈ పరికరంతో కరోనా కట్టడి!
