5జీ వైర్లెస్ నెట్వర్క్ ఏర్పాటును వ్యతిరేకిస్తూ దిల్లీ హైకోర్టును సోమవారం ఆశ్రయించారు బాలీవుడ్ నటి, పర్యావరణ కార్యకర్త జూహీ చావ్లా. ఆ సాంకేతికత వల్ల పౌరులు, వృక్ష, జంతుజాలంపై తీవ్ర రేడియేషన్ ప్రభావం పడుతుందని ఆందోళన వ్యక్తం చేశారు.
"5జీ ఏర్పాటుకు టెలీకమ్యూనికేషన్ పరిశ్రమ ప్రయత్నాలు ఫలిస్తే.. భూమిపై ఉన్న ఏ ఒక్క జీవజాలం కూడా రేడియేషన్ బారి నుంచి తప్పించుకోలేదు. ఆర్ఎఫ్ రేడియేషన్ స్థాయి ఇప్పుడున్న దాని కన్నా 10 నుంచి 100 రెట్లు పెరుగుతుంది. పర్యావరణంపై కోలుకోలేని దెబ్బ పడుతుంది."
- జూహీ చావ్లా, పర్యావరణ కార్యకర్త
5జీ సాంకేతికత మానవాళితో పాటు యావత్ వృక్ష, జంతుజాలానికి సురక్షితమని అధికారులు ధ్రువీకరించేలా ఆదేశాలివ్వాలని వ్యాజ్యంలో కోరారు జూహీ.
అయితే ఈ పిటిషన్ను మరో బెంచ్కు బదిలీ చేశారు దిల్లీ హైకోర్టు న్యాయమూర్తి జస్టిస్ హరి శంకర్. దానిపై జూన్ 2న విచారణ జరగనుంది.
ఇదీ చూడండి: 5G Trials in India: ట్రయల్స్‌కు స్పెక్ట్రమ్‌ కేటాయింపు
