Latur Twins Rape: ఆ కవలలు పోలికల్లో ఒకే విధంగా ఉంటారు. దీనిని అదునుగా తీసుకున్న ట్విన్స్లోని చిన్నోడు.. అన్న భార్యపై కన్నేశాడు. ఆరు నెలలుగా సోదరుడి భార్యతో లైంగిక వాంఛ తీర్చుకున్నాడు. బాధితురాలికి భర్తెవరో, మరిదెవరో గుర్తించేందుకు ఆరు నెలలు పట్టింది. ఈ విషయాన్ని భర్తకు చెప్పగా.. సంబంధాన్ని అలాగే కొనసాగించమని ఉచిత సలహా ఇచ్చిన ఈ సంఘటన మహారాష్ట్రలోని లాతూర్లో వెలుగు చూసింది.
ఇదీ జరిగింది: నగరంలోని రింగ్రోడ్డు ప్రాంతానికి చెందిన ఓ యువకుడికి ఆరు నెలల క్రితం వివాహం జరిగింది. కొత్త ఆశలతో అత్తారింట్లో అడుగుపెట్టింది అతడి భార్య. ఆ యువకుడికి మరో సోదరుడు ఉన్నాడు. ఇరువురూ కవలలు కావటం వల్ల దాదాపు ఒకే పోలికలతో ఉంటారు. దీంతో వారిలో తేడాలు గుర్తించలేకపోయింది 20 ఏళ్ల నవ వధువు. దీనిని అదునుగా తీసుకున్న భర్త సోదరుడు ఆమెపై కన్నేశాడు. సోదరుడు లేని సమయంలో లైంగిక వాంఛ తీర్చుకునేవాడు. ఈ విషయాన్ని ఆరు నెలల తర్వాత గుర్తించింది బాధితురాలు.
తన మరిది చేస్తున్న దుశ్చర్యను గుర్తించిన యువతి.. విషయాన్ని భర్తకు చెప్పింది. అయితే, ఈ సంబంధాన్ని అలాగే కొనసాగించాలని సూచించాడు. అతడి సమాధానంతో బిత్తరపోయింది యువతి. భర్త పట్టించుకోకపోవటం వల్ల అత్తింటివారికి చెప్పింది. వారు సైతం అదే సెలవిచ్చారు. ఎటూ పాలుపోని ఆమె.. కొద్ది రోజులకు పుట్టింటికి వెళ్లిపోయింది. అత్తింటివారు రమ్మని ఫోన్ చేస్తే తాను రానని స్పష్టం చేసింది. ఎందుకు అత్తవారింటికి వెళ్లడం లేదని తల్లిదండ్రులు అడగ్గా.. అసలు విషయం బయటపెట్టింది. ఈ విషయంపై వెంటనే శివాజీనగర్ పోలీస్ స్టేషన్లో ఫిర్యాదు చేశారు. ఐపీసీలోని సెక్షన్ 378, 323, 506, 24 కింద కవల సోదరులపై కేసు నమోదు చేసిన పోలీసులు అరెస్ట్ చేశారు.
ఇదీ చూడండి: గన్తో బెదిరించి రేప్.. పెళ్లి చేసుకొని రూ.5 లక్షలు, బైక్ డిమాండ్!
