మహారాష్ట్రలోని పాల్గఢ్ జిల్లా మానోర్ ప్రాంతంలో ఆదివారం ఘోర రోడ్డు ప్రమాదం జరిగింది. వ్యాన్-కంటైనర్ ట్రక్కు ఢీకొన్న ఘటనలో నలుగురు ప్రాణాలు కోల్పోగా.. ఎనిమిది మంది తీవ్రంగా గాయపడ్డారు. క్షతగాత్రులను స్థానికులు ఆసుపత్రికి తరలించారు. ఇందుకు సంబంధించి కేసు నమోదు చేసిన పోలీసులు దర్యాప్తు చేస్తున్నారు.
ట్రక్కులు ఢీకొని..
కర్ణాటకలో కూడా రోడ్డు ప్రమాదం చోటుచేసుకుంది. కాలాబుర్గీ జిల్లా షాహబాద్ వద్ద రెండు ట్రక్కులు ఢీకొన్నాయి. వాహనాల నుంచి మంటలు చెలరేగాయి. సమాచారం అందుకున్న అగ్నిమాపక సిబ్బంది మంటలను అదుపు చేశారు.
ఈ ఘటనలో ఇద్దరు ప్రాణాలు కోల్పోయినట్లు అధికారులు వెల్లడించారు. ఇందుకు సంబంధించి కేసు నమోదు చేసి దర్యాప్తు చేపడుతున్నట్లు తెలిపారు.
ఇదీ చూడండి : చూయింగమ్- చాక్లెట్ కవర్లలో డ్రగ్స్ తరలింపు
