Child head stuck in vessel: తమిళనాడులోని విల్లుపురంలో మూడేళ్ల బాలుడు ఇత్తడి బిందెలో ఇరుక్కుపోయాడు. తల్లిదండ్రులు ఇంట్లో పని చేసుకుంటుండగా.. బాలుడు బయట ఖాళీ బిందెతో ఆడుకుంటూ అందులో ఇరుక్కున్నాడు. తల భాగం మాత్రమే పైకి ఉండి, మొత్తం శరీరం బిందెలో ఇరుక్కుపోయింది. బాలుడి తల్లిదండ్రులు అతడిని బయటకు తీసేందుకు ప్రయత్నించి విఫలమయ్యారు. చివరకు తిరునెన్నై నల్లూర్ అగ్నిమాపక దళ కార్యాలయానికి తీసుకెళ్లారు.
గంటసేపు కష్టపడ్డ అగ్నిమాపక సిబ్బంది.. కటర్లను ఉపయోగించి.. బిందెను కత్తిరించారు. అనంతరం చిన్నారిని బయటకు తీశారు. ఆ తర్వాత బాలుడికి ప్రాథమిక చికిత్స అందించారు.
Boy stuck in Grills: మరోవైపు, ఇదే రాష్ట్రంలోని తంజావూరులో ఒకటిన్నరేళ్ల బాలుడి తల.. వరండా మీద ఉన్న ఇనుప గ్రిల్స్లో ఇరుక్కుంది. విజయ్ ఆనంద్- కీర్తిక దంపతులు కుంభకోణం పట్టణంలోని ఓ భవనం తొలి అంతస్తులో నివసిస్తున్నారు. ఇంట్లో వీరిద్దరూ పనిచేసుకుంటుండగా.. బాలుడు వరండాలో ఆడుకుంటున్నాడు. ఒక్కసారిగా చిన్నారి ఏడుపు వినిపించేసరికి దంపతులు బయటకు వచ్చారు. పొరుగువారి సాయంతో గ్రిల్స్ను పక్కకు జరిపి.. చిన్నారిని కాపాడారు.
ఇదీ చదవండి:
