సీలేరు జలపాతమా... భూతల స్వర్గమా..!

ప్రకృతి సోయగాలు, సెలయేర్ల పరవళ్లతో భూతల స్వర్గంలా కనువిందుచేస్తుంది విశాఖ జిల్లాలోని సీలేరు ప్రాంతం. కొండలపై నుంచి జాలువారుతున్న సెలయేర్లకు..రాళ్లు తాళం వేస్తుంటే... పక్షుల కిలకిలరావాలు ఇంపైన సంగీతాన్ని అందిస్తున్నాయి.కొండ అంచున్న తాకుతున్న మేఘాలు ఆంధ్రా కశ్మీరాన్ని తలిపిస్తున్నాయి. ఈ పర్యటక ప్రదేశాన్ని చూసేందుకు ఆంధ్ర, తెలంగాణలతోపాటు ఇతర రాష్ట్రాల నుంచి పర్యాటకులు భారీగా తరలి వచ్చి ప్రకృతి ఒడిలో సేదతీరుతున్నారు. కొండకోనలు పచ్చని చీర కట్టుకున్నాయా అనిపించే ప్రకృతి అందాన్ని చూసి మంత్రముగ్ధులౌతున్నారు. ఇటీవల కురిసిన వర్షాలకు... సీలేరు, ఐస్​గెడ్డ, డొంకరాయి,పొల్లూరు జలపాతాల జాలువారే అందాలు ప్రకృతి ప్రేమికులకు ఆహ్లాదాన్ని కలిగిస్తున్నాయి.