టీడీపీలోకి భారీ వలసలు - పెద్దముడియంలో 25 కుటుంబాలు చేరిక

YSRCP Members Joining TDP Party : వైఎస్సార్​ జిల్లా జమ్మలమడుగు నియోజకవర్గం టీడీపీ ఇన్​ఛార్జ్​ భూపేశ్​ రెడ్డికి పెద్ద ముడియం మండల వాసులు ఘన స్వాగతం పలికారు. శనివారం రోజున భూషష్​ రెడ్డి పెద్దముడియం మండలంలోని ఉలవపల్లె, కొత్తపల్లె గ్రామాల్లో పర్యటించారు. స్థానికంగా ఉన్న రాముల గుడిలో ప్రత్యేక పూజలు చేసి స్వామివారిని దర్శించుకున్నారు. అనంతరం భూపేశ్​​ రెడ్డి, మాజీ ఎమ్మెల్సీ శివనాథ్​ రెడ్డి సమక్షంలో ఉలవపల్లె, కొత్తపల్లె గ్రామాలకు చెందిన 25 కుటుంబాలు ఎస్సార్​సీపీని విడి టీడీపీలో చేరాయి. వారికి భూపేశ్​ రెడ్డి తెలుగుదేశం పార్టీ కండువా కప్పి పార్టీలోకి సాదరంగా ఆహ్వానించారు.

రానున్న ఎన్నికల్లో టీడీపీనే అధికార పగ్గాలు చేపడుతుందని భూపేష్​ రెడ్డి ధీమా వ్యక్తం చేశారు. ఈ నేపథ్యంలోనే వచ్చే సార్వత్రిక ఎన్నికల్లో సైకిల్​ గుర్తుకు ఓటు వేసి తనను ఎమ్మెల్యేగా, చంద్రబాబును ముఖ్యమంత్రిని చేయాలని విజ్ఞప్తి చేశారు. తాము అధికారంలోకి వచ్చాక జమ్మలమడుగు నియోజకవర్గంలోని సమస్యలన్నీ పరిష్కరిస్తానని ప్రజలకు హామీ ఇచ్చారు.