Woman Complaint on YSRCP Leader: 'నా భూమిని వైసీపీ నేతలు ఆక్రమించారు'.. దళిత మహిళ కన్నీటిపర్యంతం

Woman Complaint on YSRCP Leader in Kakinada District : వైసీపీ నేతల భూ ఆక్రమణలకు అడ్డూ అదుపూ లేకుండా పోతుంది. కనిపించిన ప్రతి స్థలాన్ని కబ్జా చేస్తున్నారు. తాజాగా తమ భూమిని ఆక్రమించారంటూ ఓ దళిత మహిళ కన్నీరు పెట్టుకుంది. కాకినాడ జిల్లా గొల్లప్రోలు మండలం చేబ్రోలులో దళిత మహిళ వీరబుల్లి స్థలాన్ని స్థానిక వైసీపీ జడ్పీటీసీ సభ్యుడు లోవరాజు అతని అనుచరులు కబ్జా చేశారని.. తన భూమిని వారి నుంచి విడిపించాలని కలెక్టర్​కు బాధితురాలు విన్నవించారు. తండ్రి నుంచి సంక్రమించిన 85 సెంట్ల భూమిని 40 ఏళ్లుగా మామిడి, జీడీ తోట పండించుకొని కుటుంబాన్ని పోషించుకుంటున్నామని చెప్పారు. ఈ భూమిని జడ్పీటీసీ లోవరాజు కబ్జా చేసుకొని తమను బెదిరిస్తున్నారని బాధితురాలు ఆవేదన వ్యక్తం చేశారు. సమస్య పరిష్కరించాలని ఉన్నతాధికారులకు విన్నవించామని.. స్థానిక తహసీల్దార్ సమస్య పరిష్కరించడం లేదని వాపోయారు. తమకు నలుగురు కుమార్తెలు, ఓ కుమారుడు ఉన్నారని.. జీవనాధారమైన భూమిని కబ్జాదారుల నుంచి తిరిగి అప్పగించాలని ఎస్సీ మహిళ వీరబుల్లి కలెక్టర్​కు విన్నవించారు.