ఇండియా ఇంగ్లాండ్​ టెస్ట్​ మ్యాచ్​ సర్వం సిద్ధమైన విశాఖ

Test Match Between India and England in Visakha : ఇండియా- ఇంగ్లాండ్ మధ్య జరిగే టెస్ట్​ మ్యాచ్​కు​ విశాఖలోని వీడీసీఏ స్టేడియం వేదిక కానుంది. ఫిబ్రవరి 2 నుంచి 6 వరకు జరుగుతున్న మ్యాచ్​కు అధికారులు అన్ని రకాల ఏర్పాట్లు చేస్తున్నారు. ఈ నెల 15 నుంచి ఆన్​లైన్​లో టికెట్లు అందుబాటులో ఉంటాయని ఏసీఏ కమిటీ సభ్యులు వెల్లడించారు. అలాగే జనవరి 26 నుంచి ఆఫ్​లైన్​లో టికెట్లు అందుబాటులో ఉంచుతామని పేర్కొన్నారు. జీవీసీఏ, స్వర్ణ భారత్​ స్టేడియాల్లో ఆఫ్​లైన్​ టికెట్లు అందుబాటులో ఉంటాయని పేర్కొన్నారు. అదే విధంగా రోజుకు 2000 మంది విద్యార్థులకు ఉచిత ప్రవేశం కల్పిస్తామని ఏసీఏ కమిటీ సభ్యులు తెలిపారు.

రెండు క్రికెట్​ జట్లకు సంబంధించిన అన్ని సౌకర్యాలు ఏర్పాట్లు చేస్తున్నామని జిల్లా కలెక్టర్​ మల్లిఖార్జున అన్నారు. స్టేడియం దగ్గర ఎలాంటి అవాంఛనీయ సంఘనలు జరగకుండా చర్యలు తీసుకున్నామని నగర సీపీ శంకర్​ అయ్యర్​ తెలిపారు. మ్యాచ్​ను దృష్టిలో పెట్టుకొని నగరంలో ట్రాపిక్​ సమస్యలు తలెత్తకుండా చూస్తామని పేర్కొన్నారు.