TDP Tweet On Jagan CBI Cases: 20 క్రిమినల్ కేసుల్లో ఏ-1 జగన్ రెడ్డే.. టీడీపీ ట్వీట్

TDP Tweet On CBI Cases List on YS Jagan Mohan Reddy: సీబీఐ కోర్టులో నేడు లిస్ట్ అయిన జగన్ కేసుల తాజా జాబితా అంటూ టీడీపీ ఫొటోలను ట్వీట్ చేసింది. 20 క్రిమినల్ కేసుల్లో ఏ-1 జగన్ రెడ్డే ఉన్నారని తెలిపింది. ఇటువంటి క్రిమినల్ పాలిస్తున్న రాష్ట్రంగా ఆంధ్రప్రదేశ్ గర్వపడాలేమో అని ఎద్దేవా చేసింది. ఏది ఏమైనా దేశంలో ఏ ముఖ్యమంత్రికైనా.. ఈ క్రిమినల్ రికార్డు అధిగమించాలంటే ఇప్పట్లో సాధ్యం కాదని ట్వీట్ చేసింది. 

టీడీపీ నేత నక్కా ఆనంద్​బాబు విమర్శలు: వైఎస్ జగన్ కేసులకు సంబంధించి.. టీడీపీ చేసిన ట్వీట్​పై ఆ పార్టీ నేత నక్కా ఆనందబాబు స్పందించారు. జగన్‌కి సంబంధించి సీబీఐ కోర్టులో ఇవాళ 20 కేసులు లిస్ట్ చేసిందని తెలిపారు. జగన్‌ ఆస్తులన్నీ ఆటాచ్‌మెంట్​లోనే ఉన్నాయని.. ఇలాంటి వ్యక్తి సీఎంగా ఉన్నందుకు ఆంధ్రప్రదేశ్ రాష్ట్ర ప్రజలు అంతా సిగ్గుపడాలని నక్కా ఆనంద్‌బాబు పేర్కొన్నారు. జగన్‌ కక్షపూరిత విధానాలు ప్రజలందరికి తెలిసిందే అని అన్నారు.