TDP Leader Nakka Anandbabu Fires on CM Jagan దళిత హంతకుడు అనంతబాబుతో సీఎం జగన్‌రెడ్డి భేటీలా?: టీడీపీ నేత నక్కా ఆనంద్‌

TDP Leader Nakka Anandbabu Fires on CM Jagan: దళితుడ్ని దారుణంగా హత్య చేసిన వారితో సీటు, స్వీట్లు పంచుకోవడం.. జగన్​ దళిత వ్యతిరేక మనస్తత్వానికి నిదర్శనమని టీడీపీ నేత నక్కా ఆనంద్​ బాబు మండిపడ్డారు. జగన్​ రెడ్డికి దళితులంటే గిట్టదనే విషయం అనంతబాబు వ్యవహరంతోనే తేలిపోయిందని అన్నారు. వైసీపీ ఎమ్మెల్సీ అనంతబాబును పార్టీ నుంచి సస్పెండ్​ చేశామని ప్రకటించిన జగన్​.. అతనితో వేదిక ఎలా పంచుకున్నారని ప్రశ్నించారు. దళితుల్ని వంచించడానికే జగన్ రెడ్డి తన పార్టీ తరఫున.. అనంతబాబు సస్పెన్షన్​ అంటూ ఉత్తుత్తి ప్రకటనలు చేయించారని ఆగ్రహం వ్యక్తం చేశారు. అనంతబాబు గంజాయి సాగు, రంగురాళ్ల వ్యాపారంతో నెలనెలా.. కప్పం కడుతున్నాడు కాబట్టే జగన్​ అక్కున చేర్చుకుంటున్నారని విమర్శించారు. తన ఎస్సీలు అంటూ గుండెలు బాదుకుంటూ.. గొంతు చించుకునే సీఎం అనంతబాబుపై ఏం చర్యలు తీసుకుంటారో చెప్పాలని డిమాండ్​ చేశారు. ముఖ్యమంత్రి దళితజాతి వినాశనమే లక్ష్యంగా వ్యవహరిస్తుంటే.. వైసీపీ దళిత నేతలు, దళిత మంత్రులు ఎందుకు నోరెత్తటం లేదని ప్రశ్నించారు. జగన్​కి దళితులంటే ఏమాత్రం అభిమానం ఉన్న.. అనంతబాబు తక్షణమే పార్టీ నుంచి ప్రభుత్వం నుంచి తొలగించాలని అన్నారు.