ఆర్టీసీ బస్సు బీభత్సం - గుడిసె మీదకు దూసుకెళ్లిన వైనం

RTC Bus Accident on Road: ఆర్టీసీ బస్సు రహదారి పక్కనే ఉన్న గుడిసె మీదకు దూసుకెళ్లి బీభత్సం సృష్టించింది. ఈ ప్రమాదంలో ప్రయాణికులకు ఎటువంటి ప్రాణాపాయం జరగకపోవటంతో అందరూ ఊపిరి పీల్చుకున్నారు. ఈ ఘటన గుంటూరు జిల్లా  ప్రత్తిపాడు మండలంలో చోటు చేసుకుంది. స్థానికులు తెలిపిన వివరాల ప్రకారం శుక్రవారం ఉదయం కోయవారిపాలెం లోలెవల్ చప్టా వద్దకు చేరుకున్న బస్సు అదుపు తప్పి ఇంటి మీదకు దూసుకెళ్లింది. అతి వేగమే ఈ ప్రమాదానికి కారణమని స్థానికులు చెబుతున్నారు. బస్సు రహదారి పక్కనే ఉన్న వాగులో పడితే పెద్ద ప్రమాదం జరిగేదని ప్రయాణికులు తెలిపారు. 

RTC Bus Crashed Into House in Guntur: స్థానికులు ఆర్టీసీ బస్సులో ఉన్న ప్రయాణికులను దించటంతో కాసేపు ట్రాఫిక్​కు అంతరాయం ఏర్పడింది. సమాచారం అందుకున్న పోలీసులు ఘటనా స్థలానికి చేరుకుని వివరాలు సేకరిస్తున్నారు. లోలెవల్ చప్టా వద్ద కల్వర్టు నిర్మించాలని అధికారులను ఎన్నో ఏళ్ల నుంచి కోరుతున్నా పట్టించుకోలేదని స్థానికులు ఆగ్రహం వ్యక్తం చేస్తున్నారు.