Dead Body In Canal: రత్నభాస్కర్​ డెడ్​ బాడీ లభ్యం.. మెడపై గాయాలు

Dead Body In Canal at Chodavaram : కృష్ణా జిల్లా పెనమలూరు నియోజకవర్గంలో కలకలం సృష్టించిన కాల్వలోకి కారు దూసుకెళ్లిన ఘటనలో కీలక ఆధారం లభించింది. కారులో ఆదృశ్యమైన వ్యక్తి అచూకీ కోసం గాలిస్తున్న పోలీసులకు ఆధారం లభించింది. తోట్లవల్లూరు మండలం చోడవరం వద్ద పంట కాలువలో ఓ మృతదేహం కొట్టుకురాగా.. వల్లూరివారిపాలెం లాకుల వద్ద మృతదేహన్ని పోలీసులు గుర్తించారు. ఈ మృతదేహం చోడవరం వద్ద కాలువలో పడిన కారు యజమాని అవనిగడ్డ వాసి గాజుల రత్నభాస్కర్‌గా పోలీసులు అనుమానించారు. రత్నభాస్కర్​ కారులో బట్టలు, సెల్‌ఫోన్‌ను పోలీసులు సోమవారమే స్వాధీనం చేసుకున్నారు. అనుమానాస్పద మృతిగా పోలీసులు కేసు నమోదు చేసి దర్యాప్తు చేపట్టారు. రత్నభాస్కర్​ కుటుంబ సభ్యులకు పోలీసులు సమాచారం అందించగా.. అక్కడికి చేరుకున్న కుటుంబసభ్యులు మృతదేహం రత్నభాస్కర్​దేనని గుర్తించారు. మృతదేహం మెడపై గాయాలు ఉండటం.. డెడ్​ బాడీ నగ్నంగా లభ్యం కావడంతో ఎవరైనా హత్య చేశారా లేక ఇంకా ఎమైనా జరిగి ఉంటుందా అనే కోణంలో పోలీసులు విచారణ చేస్తున్నారు.