Pawan Kalyan Tweet On KGF కేజీఎఫ్​ గెట్​ రెడి.. జేజీఎఫ్​ వస్తున్నాడు! ఏపీలో బంగారు గనులపై జనసేనాని వ్యంగ్యాస్త్రాలతో కూడిన ట్వీట్

Pawan Kalyan Tweet: కెజీఎఫ్ రెడిగా ఉండు జెజీఎఫ్ వస్తున్నాడు అంటూ జనసేనాని పవన్​కల్యాణ్ అసక్తికర​ ట్వీట్​ చేశారు. రాష్ట్రంలో 47 టన్నుల బంగారు నిక్షేపాలున్నాయని కేంద్ర మంత్రి ప్రకటనను ప్రస్తావిస్తూ.. ముఖ్యమంత్రి జగన్​మోహన్​ రెడ్డిపై ఈ విధమైన అసక్తికర ట్వీట్​ చేశారు. కేంద్ర గనుల శాఖ మంత్రి ప్రహ్లద్​ జోషి ఏపీలో బంగారు గనులపై చేసిన ప్రకటనపై.. పవన్​ కల్యాణ్​ ఈ విధంగా స్పందించారు. 'వైఎస్సార్సీపీ అడ్వెంచర్స్ సమర్పించు​ జగనన్నాస్​ గోల్డ్​' అంటూ ట్వీట్​లో ఎద్దేవా చేశారు. రాష్ట్రంలో బంగారం నిల్వలను వెతకటమే ఇప్పుడు ఓ పని అని వ్యంగ్యాస్త్రాలు విసిరారు. ఇండియన్‌ మినరల్స్‌ ఇయర్‌ బుక్‌-2021 సమాచారం ప్రకారం రాష్ట్రంలో 47.17 టన్నుల బంగారు నిక్షేపాలున్నాయని కేంద్ర మంత్రి ప్రహ్లద్‌ జోషి రాజ్యసభలో వెల్లడించారు. రాష్ట్రంలో బంగారు నిక్షేపాలకోసం జీఎస్​ఐ నిర్వహించిన ప‌రిశోధనల్లో రామ‌గిరి బంగారు క్షేత్రం, పెన‌క‌చెర్ల బంగారు క్షేత్రం, జొన్నగిరి ప‌ల‌క‌ల బెల్టు, చిగురుగుంట- బిసన‌త్తం బంగారు బెల్ట్‌ల‌లో బంగారు నిక్షేపాలను కనుగొన్నట్లు సమాచారం.