రుణాల దుర్వినియోగం - జగన్​ నిర్లక్ష్యంతో ఏపీని బ్లాక్​ లిస్టులో పెట్టిన బ్యాంకులు : నాదెండ్ల

Nadendla Manohar Allegations on Jagan About Roads: జగన్ ప్రభుత్వం చేతగాని తనం వల్లే జాతీయ బ్యాంకులు రాష్ట్రాన్ని బ్లాక్ లిస్టులో పెట్టాయని జనసేన రాజకీయ వ్యవహారాల కమిటీ ఛైర్మన్ నాదెండ్ల మనోహర్ ధ్వజమెత్తారు. రాష్ట్రంలో రహదారుల నిర్మాణం పేరుతో న్యూ డెవలప్​మెంట్ బ్యాంక్, ఆసియా ఇన్ ఫ్రాస్ట్రక్చర్ ఇన్వెస్ట్​మెంట్ బ్యాంక్​ల వద్ద తీసుకున్న రుణాలను దుర్వినియోగం చేసి సకాలంలో చెల్లించకపోవడం వల్ల ఆ బ్యాంకులు రాష్ట్రాన్ని బ్లాక్ లిస్టులో పెట్టాయని మనోహర్ వివరించారు. 

ఈ బ్యాంకుల వద్ద తీసుకున్న రుణాలను చెల్లించాలని కేంద్రం ఎన్నిసార్లు హెచ్చరించినా సీఎం జగన్ పెడచెవిన పెట్టారని అన్నారు. ఈ బ్యాంకుల వద్ద తీసుకున్న రుణాలకు సంబంధించిన వివరాలు వెల్లడించక పోవడంతో ఈ ప్రాజెక్టుల నుంచి తప్పుకొని బ్లాక్ లిస్ట్​లో పెట్టాయని అన్నాకు. రాష్ట్ర పరువును ముఖ్యమంత్రి జగన్ అంతర్జాతీయ స్థాయిలో తీసేశారని ఎద్దేవా చేశారు. రాష్ట్రంలో రహదారుల దుస్థితిపై ఇతర రాష్ట్రాల ముఖ్యమంత్రులు జోక్స్​ వేసుకునేలా చేశారని ఆగ్రహం వ్యక్తం చేశారు. నిధుల దుర్వినియోగంపై కేంద్రానికి ఫిర్యాదు చేస్తామని తెలిపారు.