Man Arrested for Stealing TTD Electric Bus: టీటీడీ ఎలక్ట్రిక్​ బస్సును చోరీ చేసిన వ్యక్తి అరెస్ట్

 Man Arrested for Stealing TTD Electric Bus: గత నెల 24న ప్రముఖ పుణ్యక్షేత్రం తిరుమలలో తెల్లవారుజామున.. రూ. రెండు కోట్ల విలువైన శ్రీ వారి ఉచిత ఎలక్ట్రిక్ బస్సును దొంగిలించిన ఘటనలో నింధితుడిని పోలీసులు అదుపులోకి తీసుకున్నారు. ఈ మేరకు వివరాలను తిరుమల క్రైమ్ విభాగం ఏఎస్పీ విమల కుమారి వెల్లడించారు. నిందితుడు విష్ణు సొంత ప్రయోజనాల కోసం విద్యుత్ బస్సును చోరి చేశాడని పేర్కొన్నారు. అనంతరం నాయుడుపేట నుంచి చెన్నై మీదగా వెళ్లేందుకు ప్రయత్నించాడని తెలిపారు.  అక్కడ పోలీసులు సైరన్ మోగించడంతో బస్సును నాయుడుపేట బైపాస్ రోడ్డులో వదిలి వెళ్లాడని ఏఎస్పీ తెలిపారు. బస్సు దిగి పారిపోయిన  విష్ణు.. వెంటనే చెన్నైకి వెళ్లాడని ఆమె వెల్లడించారు.  ఆ రోజు నుంచి పోలీసులు గాలింపు చర్యలు చేపట్టినట్లు తెలిపారు. నేడు తిరుపతి బస్ స్టేషన్ సమీపంలో నిందితుడు విష్ణు దొరికాడని ఏఎస్పీ  మీడియాకు వెల్లడించారు. ఎవరూ లేని సమయం చూసుకొని బస్సును తీసుకొని వెళ్లాడని.. దారి మధ్యలో రెండు చోట్ల బస్సును ప్రమాదానికి గురి చేశాడని ఆమె తెలిపారు.