కాకినాడ జిల్లాలో పవన్ కల్యాణ్ పర్యటన - తాజా రాజకీయ పరిస్థితులపై నేతలతో చర్చలు

Janasena Leader Kandula Durgesh Commets on Pawan Kalyan Three Days Tour : ఉమ్మడి తూర్పు గోదావరి జిల్లా జనసేన అధ్యక్షుడు కందుల దుర్గేష్​తో పాటు నాయకులు జనసేన అధినేత పవన్ కల్యాణ్ కలిసి తాజా రాజకీయ పరిస్థితులపై మాట్లాడారు. జనసేన-తెలుగుదేశం కలయిక తరువాత రాష్ట్ర వ్యాప్తంగా ఈ కూటమి విజయ అవకాశాలు పెరిగాయని కందుల దుర్గేష్‌ అన్నారు. దీనిలో భాగంగా పవన్ కళ్యాణ్ కాకినాడ జిల్లా జనసేన నాయకులతో కలిసి క్షేత్రస్థాయిలో సమావేశం నిర్వహించారని అన్నారు. 

కాకినాడ జిల్లాలో మూడు రోజుల పర్యటనలో భాగంగా కాకినాడలో ఉన్న పవన్ కాకినాడ, పెద్దాపురం, పిఠాపురం, ప్రత్తిపాడు, జగ్గంపేట, తుని నియోజకవర్గ ఇంఛార్జ్​లతో ఆ పార్టీ నేత ఉదయ్ శ్రీనివాస్ ఇంట్లో వన్ టూ వన్ సమావేశం నిర్వహించనున్నట్లు తెలిపారు. ఆయా నియోజకవర్గాల్లో తాజా రాజకీయ పరిస్థితులు, తెలుగుదేశం-జనసేన పొత్తు వల్ల నియోజకవర్గాల్లో తాజా పరిస్థితులు, ఓట్ల బదిలీ వంటి అంశాలపై నాయకుల్ని అడిగి తెలుసుకుంటున్నారని తెలిపారు. జనసేన-టీడీపీ పొత్తు, వారాహి యాత్ర జనసేన బలోపేతానికి ఎంత వరకు ప్రయోజనం చేకూర్చింది అన్న అంశాలను పవన్ కల్యాణ్ పార్టీ నాయకుల్ని అడిగి తెలుసుకుంటున్నారని పార్టీ నాయకులు అన్నారు.