సికింద్రాబాద్ స్వప్నలోక్ కాంప్లెక్స్​లో అగ్నిప్రమాదం

Fire accident at Swapnalok Complex: దక్కన్​మాల్ ఘటన మరువకముందే సికింద్రాబాద్​లో మరో అగ్నిప్రమాదం చోటు చేసుకుంది. స్వప్నలోక్ కాంప్లెక్స్ మూడో అంతస్తులో ఒక్కసారిగా మంటలు చెలరేగి ఎగిసిపడుతున్నాయి. భవనం లోపల కొందరు చిక్కుకున్నట్లు సమాచారం. అగ్నిమాపక సిబ్బంది చేరుకుని మంటలను అదుపు చేస్తున్నారు. మంత్రి తలసాని ఘటనాస్థలికి చేరుకుని పరిశీలించారు.  హైదరాబాద్​లో వరుసగా చోటు చేసుకుంటున్న అగ్నిప్రమాదాలు నగర ప్రజలను భయబ్రాంతులకు గురి చేస్తున్నాయి. అసలే వేసవికాలం ఎక్కడ ఎప్పుడు అగ్నిప్రమాదం సంభవిస్తుందోనని ఆందోళన చెందతున్నారు. ఇటీవల సికింద్రాబాద్​లో చోటు చేసుకున్న దక్కనమాల్​ అగ్నిప్రమాద ఘటన మరవకముందే తాజాగా నిత్యం రద్దీగా ఉండే సికింద్రాబాద్​లోని స్వప్నలోక్ కాంప్లెక్స్​లో భారీ అగ్ని ప్రమాదం సంభవించింది. మహంకాళీ పీఎస్ పరిధిలోని స్వప్నలోక్ కాంప్లెక్స్​ భవనంలో ఆకస్మాత్తుగా మంటలు చెలరేగాయి. కాంప్లెక్స్ మూడో అంతస్తులో చెలరేగిన మంటలు భారీ స్థాయిలో ఎగిసిపడుతున్నాయి. వెంటనే సమాచారం అందుకున్న అగ్నిమాపక సిబ్బంది ఘటనాస్థలానికి చేరుకున్నారు. మూడు ఫైరింజన్లతో మంటలు ఆర్పే ప్రయత్నం చేస్తున్నారు.