Final written exams for SI Jobs: ఎస్సై ఉద్యోగాలకు తుది రాతపరీక్షల తేదీలు ప్రకటన..

Notification of Final Written Exam Dates for SI Jobs: రాష్ట్రంలో ఎస్సై ఉద్యోగాలకు తుది రాత పరీక్షలను అక్టోబర్‌ 14, 15 తేదీల్లో నిర్వహించనున్నట్లు పోలీస్‌ నియామక మండలి ఛైర్మన్‌ అతుల్‌ సింగ్‌ పత్రికా ప్రకటన ద్వారా విడుదల చేశారు. అభ్యర్ధులు ప్రాథమిక పరీక్షలో అర్హత సాధించిన 57,923 మందికి దేహధారుడ్య పరీక్షలు జరుగుతున్నాయి. ఈ దేహధారుడ్య పరీక్షల్లో ఉత్తీర్ణులైన వారికి అక్టోబర్ 14,15 తేదీల్లో తుది రాత పరీక్షలు నిర్వహించనున్నట్లు పేర్కొన్నారు. ప్రస్తుతం 56130 మంది అభ్యర్ధులు ధృవపత్రాలను ఆన్​లైన్​లో పొందుపరిచారు. 14వ తేదీన నిర్వహించే పేవర్‌-1, పేపర్‌-2లు వివరణాత్మక విధానంలో(డిస్క్రిప్టివ్), పేపర్‌-3, పేపర్‌-4 బహుళ ఐచ్ఛిక విధానం (ఆబ్జెక్టివ్)లో పరీక్షలు రాయాల్సి ఉంటుందని తెలిపారు. విశాఖపట్నం, ఏలూరు, గుంటూరు, కర్నూలు నగరాల్లోని కేంద్రాల్లో ఈ పరీక్షలు నిర్వహించనున్నారు. 14వ తేదీన పేపర్‌-1.. ఉదయం 10 నుంచి 1 గంట వరకు, పేపర్‌-2 మధ్యాహ్నం 2.30-5.30 గంటల వరకు ఉంటుంది. తర్వాత రోజు.. 15న పేపర్‌-3.. ఉదయం 10 నుంచి 1 గంట వరకు, పేపర్‌-4 మధ్యాహ్నం 2.30-5.30 గంటల వరకు పరీక్ష జరగనుంది.