Nidhi Agarwal హరిహర వీరమల్లు గురించి నిధి అగర్వాల్ ఏం చెప్పిందంటే..?

Film actress Nidhi Agarwal in Visakhapatnam: విశాఖలో సినీ నటి నిధి అగర్వాల్ సందడి చేశారు. రాంనగర్​లో టైం ల్యాండ్ బ్రాండెడ్ వాచ్ స్టోర్​ను ఆమె ప్రారంభించారు.  నిధి అగర్వాల్​ని చూసేందుకు పెద్ద ఎత్తున ప్రేక్షకులు తరలి వచ్చారు. నిధి అగర్వాల్​తో సెల్ఫీ తీసుకునేందుకు అభిమానులు పోటీ పడ్డారు. వాచ్ స్టోర్​లో కూడా పలువురు నిధితో ఫోటోలు తీసుకున్నారు. తెలుగు ప్రేక్షకులు తనని ఎంతగానో ఆదరించారని.. అందరికీ కృతజ్ఞతలు చెప్పారు. నిధి అగర్వాల్​కు విశాఖ అభిమానులు శుభాభినందనలు తెలిపారు. అదే విధంగా నిధి అగర్వాల్​కి హరిహర వీరమల్లు సినిమా షూటింగ్ గురించి అడగగా.. మరికొంత షూటింగ్ ఉందని ఆమె తెలిపారు. త్వరలోనే అది కూడా పూర్తవుతుందని అన్నారు. పవన్ కల్యాణ్​తో షూటింగ్ ఒక డ్రీమ్​లా ఉందని సంతోషం వ్యక్తం చేశారు. పవన్ కల్యాణ్ సరసన నటించడం ఆనందంగా ఉందని చెప్పుకొచ్చారు. ఈ సినిమా కోసం ఎంతగానో ఎదురు చూస్తున్నట్లు నిధి అగర్వాల్ చెప్పారు.