Farmers Agitation with Holding Pesticide: పంటలు ఎండిపోతే మరణమే.. పురుగు మందు డబ్బాలతో రైతుల ఆందోళన

Farmers Agitation With Holding Pesticide:  రైతుల ప్రభుత్వమంటూ గొప్పలు చెప్పే ముఖ్యమంత్రి జగన్.. తమ కష్టాలను పట్టించుకోవటం లేదని రైతులు వాపోయారు. పల్నాడు జిల్లా నకరికల్లు మండలం శివాపురం తండాలో రైతులు పంట పొలాల్లో ఆందోళనకు దిగారు. పురుగు మందు డబ్బాలు చేతపట్టుకుని ఆందోళనలో పాల్గొన్నారు. విద్యుత్‌ కోతల కారణంగా పంటలు ఎండిపోతున్నాయని ఆవేదన వ్యక్తం చేశారు. కరెంట్​ కోతల వల్ల పంటలకు సాగునీరు అందివ్వలేకపోతున్నామని రైతులు ఆవేదన వ్యక్తం చేస్తున్నారు. బోరునీటిపై ఆధారపడి పంటలు సాగు చేసుకుంటున్నామని.. నీరు అందకపోవటంతో పంటలు ఎండిపోతున్నాయని వాపోతున్నారు. 

రైతులకు సకాలంలో విద్యుత్​ అందిస్తామని హామీ ఇచ్చిన ప్రభుత్వం.. విద్యుత్​ను అందించి మాట నిలబెట్టుకోవాలని రైతులు కోరుతున్నారు. ప్రభుత్వం సాగునీరు విడుదల చేయడం లేదని.. కనీసం కరెంట్​ కోతలైనా లేకుండా చూడాలని కోరారు. వేల రూపాయలు అప్పులు తెచ్చి పెట్టుబడి పెట్టి సాగు చేస్తున్నామని.. పంటలు ఎండిపోతే తమకు మరణమే దిక్కని పురుగు మందు డబ్బాలు చేతపట్టుకుని ఆందోళనకు దిగారు.