Cell Phones Recovery App: నెల్లూరు జిల్లాలో భారీగా సెల్​ఫోన్ల రికవరీ.. రూ.1.6కోట్ల విలువైన మొబైల్స్ అందజేత..

Cell Phones Recovery with Mobile Hunt: నెల్లూరు జిల్లా పోలీసులు మొబైల్ హంట్ సేవలను చక్కగా వినియోగించుకుంటున్నారు. దీనిపై జిల్లాలో విస్తృతంగా ప్రచారం చేయడంతో ప్రజల్లో అవగాహన పెరిగింది. ఇప్పటి వరకు మూడు విడతలలో 664సెల్ ఫోన్​లు పోగొట్టుకున్నట్లు హంట్​లో నమోదయింది. మొబైల్ హంట్ ద్వారా గుర్తించిన రూ.65 లక్షల విలువైన 270 సెల్​ఫోన్లను బాధితులకు ఎస్పీ తిరుమలేశ్వర రెడ్డి సోమవారం సాయంత్రం అందించారు. ఇలా ఇప్పటి వరకు 1.6కోట్ల రూపాయలు విలువైన సెల్​ఫోన్​లను మొబైల్ హంట్ యాప్ ద్వారా సేకరించి బాధితులకు అందజేశారు. పోలీసు వ్యవస్థను ప్రజలకు మరింత చేరువ చేస్తూ పోగొట్టుకున్న సెల్​ఫోన్లను తిరిగి అందించడమే మొబైల్ హంట్ ప్రధాన ధ్యేయమని ఎస్పీ డాక్టర్ తిరుమలేశ్వరరెడ్డి అన్నారు. మెసేజ్ పంపితే చోరీకి గురైన, పోగొట్టుకున్న మొబైల్ ఫోన్లను తిరిగి అందిస్తామన్నారు. గోపాల్ అనే బాధితుడు పోగొట్టుకున్న ఐఫోన్​ను ఎస్పీ అందించారు. ఈ కార్యక్రమంలో అదనపు ఎస్పీ హిమవతి, డీఎస్పీలు, సీఐలు పాల్గొన్నారు.