పంపకాల్లో తేడా - ఇరువర్గాల గొడవతో నడిరోడ్డుపైకి చేరిన గంజాయి ప్యాకెట్లు

Cannabis Packets on Thuni : అనకాపల్లి జిల్లా నర్సీపట్నంలోని బలిఘట్టం వద్ద రహదారిపై గంజాయి ప్యాకెట్లు లభ్యమయ్యాయి. నడిరోడ్డు మీద గంజాయి ప్యాకెట్లు చూసి స్థానికులు విస్తుపోయారు. వెంటనే పోలీసులను సంప్రదించారు. ఘటనా స్థలానికి చేరుకున్న పోలీసులు చుట్టుపక్కల ఉన్నవాళ్లని ఆరా తీశారు. పోలీసుల కథనం ప్రకారం తుని వెళ్లే మార్గంలో ఒక బైకు, కారులో వెళ్తున్న వాళ్లకి ఉన్నటుండి వివాదం చెలరేగింది. కాసేపు మాటల యుద్ధం జరిగింది. తరువాత కారులోని వ్యక్తి గంజాయి ప్యాకెట్లు రహదారి పైకి విసిరాడు. వెంటనే ఆ వాహనదారులు అక్కడ నుంచి వెళ్లిపోయారు. 

Cannabis Fight in Anakapally District : ఇలా రోడ్డు మీద గంజాయి ప్యాకెట్లు విసిరి వెళ్లడంతో స్థానికులు ఒక్కసారిగా అవాక్కయ్యారు. వెంటనే వారు పోలీసులను సంప్రదించారు. పోలీసులు గంజాయి ప్యాకెట్లని స్వాధీనం చేసుకున్నారు. ఈ విషయమై దర్యాప్తు చేపట్టామని త్వరలోనే చేధిస్తామని పోలీసు అధికారులు వెల్లడించారు. గంజాయి పంపకాల్లో వివాదమే ఇందుకు మూలమని స్థానికులు అనుమానాలు వ్యక్తం చేస్తున్నారు.