Fennel Seed Water Benefits : సోంపు గింజల ప్రయోజనాల గురించి మనందరికీ తెలిసే ఉంటుంది. అన్నం సులభంగా జీర్ణమవడానికి చాలా మంది భోజనం తరవాత తింటారు. ఇంకొంత మంది తాజా శ్వాస కోసం దీనిని ఆస్వాదిస్తుంటారు. అయితే, దీనిని ఉదయాన్నే నీటిలో కలిపి తీసుకోవడం వల్ల అనేక లాభాలున్నాయని నిపుణులు చెబుతున్నారు. సోంపును రోజు తీసుకోవడం వల్ల ఎటువంటి బెన్‌ఫిట్స్‌ ఉంటాయో ఇప్పుడు తెలుసుకుందాం.
బరువు తగ్గుతారు : సోంపు గింజల్లో ఉండే యాంటి పోషకాలు బరువు తగ్గడంలో సహాయపడతాయని నిపుణలంటున్నారు. అలాగే ఇందులో ఉండే ఫైబర్‌, మినరల్స్‌ వంటివి శరీరానికి ఎంతో శక్తినిస్తాయి. బరువు తగ్గాలనుకునే వారు రోజు ఉదయాన్నే పరగడుపున సోంపు నీళ్లను తాగాలి. దీనివల్ల పొట్ట చుట్టూ ఉన్న కొవ్వు కరుగుతుందని చెబుతున్నారు.
జీర్ణక్రియను మెరుగుపరుస్తుంది : సోంపు గింజలలో కార్మినిటివ్ లక్షణాలు ఉంటాయి. ఇవి గ్యాస్, అజీర్ణ సమస్యలను తొలగించి జీర్ణశక్తిని మెరుగుపరచడంలో సహాయపడయని నిపుణులు చెబుతున్నారు. రోజు ఉదయాన్నే సోంపు నీటిన తాగడం అందులో ఉండే ఎంజైమ్‌లు జీర్ణక్రియను వేగవంతం చేస్తాయని అంటున్నారు. తిన్న తరవాత అజీర్ణ సమస్యలు ఎదురైతే కూడా సోంపును తీసుకోవచ్చని సూచిస్తున్నారు.
నొప్పులకు పెయిన్ కిల్లర్స్ చాలా డేంజర్ - ఈ నేచురల్ టిప్స్ పాటించండి! - ఫుల్ రిలీఫ్
నోటి దుర్వాసనను తొలగిస్తుంది : కొంత మందిలో ఎన్ని జాగ్రత్తలు తీసుకున్నా నోటి దుర్వాసన సమస్య వేధిస్తుటుంది. ఇలాంటి వారు తాజా శ్వాస కోసం ఉదయాన్నే సోంపు నీళ్లను తాగాలని నిపుణులు సూచిస్తున్నారు. సోంపులోని యాంటీ బ్యాక్టీరియల్‌ గుణాలు బ్యాడ్‌ స్మెల్‌ను దూరం చేస్తాయని అంటున్నారు.
గుండె ఆరోగ్యంగా : ప్రతి రోజు సోంపు నీళ్లను ఉదయాన్నే తాగడం వల్ల గుండె ఆరోగ్యంగా ఉంటుందట. ఇందులో ఉండే పీచు పదార్థాలు చెడు కొలెస్ట్రాల్‌ను తగ్గించడంలో సహాయపడతాయని నిపుణులు చెబుతున్నారు. అలాగే శరీరంలో వచ్చే, వాపు, అధిక రక్తపోటు సమస్యలకు చెక్ పెట్టడానికి మంచి మార్గమని తెలియజేస్తున్నారు.
మలబద్ధకం తగ్గిస్తుంది : సోంపు గింజలలో ఫైబర్‌ కంటెంట్ ఎక్కువగా ఉంటుంది. ఇది పేగుల్ని ఆరోగ్యంగా ఉంచి, మలబద్ధకం సమస్యను నివారిస్తుందని నిపుణులు తెలియజేస్తున్నారు. మలబద్ధకం సమస్యతో బాధపడుతున్న వారు ఉదయాన్నే సోంపు నీళ్లను తీసుకోవడం వల్ల మంచి ఫలితం ఉంటుందని చెబుతున్నారు.
సోంపు నీటిని ఎలా తయారుచేసుకోవాలి :
- సోంపు నీళ్ల కోసం ముందుగా టేబుల్‌ స్పూన్‌ సోంపును ఒక గిన్నెలోకి తీసుకోవాలి.
- తరవాత అందులో ఒక గ్లాసు నీళ్లను పోసి 5 నిమిషాల పాటు మరిగించాలి.
- తరవాత ఈ సోంపు నీళ్లను శుభ్రంగా వడగట్టుకోవాలి.
- అంతే సోంపు నీళ్లు రెడీ. ఇందులోకి నచ్చిన వారు కొద్దిగా నిమ్మరసం కలిపి తీసుకోవచ్చు.
