దొంగ‌ను ప‌ట్టించిన లాక్​డ్​హౌస్ మానిట‌రింగ్ సిస్టం

క‌డ‌ప జిల్లా ప్రొద్దుటూరులో లాక్​డ్​హౌస్ మానిట‌రింగ్ సిస్టం మ‌రో దొంగ‌ను ప‌ట్టించింది. తాళం వేసిన ఇంట్లో చోరీకి పాల్ప‌డుతున్నార‌న్న స‌మాచారంతో పోలీసులు అప్ర‌మ‌త్త‌మ‌య్యారు. దొంగతనం జరుగుతున్న స్థలానికి ఎల్​హెచ్ఎంఎస్ సాయంతో చేరుకొని దాస‌రి బాల‌చంద్ర‌ అనే దొంగను ప‌ట్టుకున్నారు.

కడప జిల్లా జ‌మ్మ‌ల‌మ‌డుగు - ఆర్టీపీపీ బైపాస్ రోడ్డులోని కావేరీ ఈడెన్ స్కూల్ ఎదురుగా ఉన్న... ఎద్దుల క్రిష్ణారెడ్డి ఈ నెల 1న షిరిడి వెళ్లారు. వెళ్తూ... పోలీసులు ప్ర‌వేశ పెట్టిన ఎల్​హెచ్ఎంఎస్ ద్వారా త‌న ఇంటిని జాగ్ర‌త్త చేసుకున్నారు. ఇది తెలియక ఎల్​హెచ్ఎంఎస్ ఉచ్చులో చిక్కుకుని.. ఓ దొంగ క‌ట‌క‌టాల పాల‌య్యాడు. నిందితుడు బాల‌చంద్ర.. దొంగతనం చేస్తుండగా పోలీసులకు రెడ్ హాండెడ్​గా పట్టుబడ్డాడు. అతనిపై ఇప్ప‌టికే 15 నేరాల్లో కేసులు న‌మోద‌య్యాయి. ఎర్ర‌చంద‌నం అక్ర‌మ ర‌వాణా, హ‌త్యా నేరాల్లోనూ నిందితుడుగా ఉన్న‌ట్లు డీఎస్పీ సుధాక‌ర్ వివరించారు.

ఇదీ చదవండి