'కడప కోటలో తెదేపా జెండా ఎగరడం ఖాయం'

''దేశంలో ఏ రాష్ట్రంలో లేని విధంగా ఆంధ్రప్రదేశ్​లో ముఖ్యమంత్రి చంద్రబాబు సంక్షేమ పథకాలు ప్రవేశపెట్టారు. అవే తెదేపా విజయానికి దోహదపడతాయి. కడప జిల్లాలో మెజార్టీ స్థానాల్లో పార్టీ జెండా ఎగురవేస్తాం'': శ్రీనివాస్ రెడ్డి

ఎవరెన్ని కుట్రలు చేసినా ఏపీలో తెదేపా మళ్లీ అధికారంలోకి వస్తుందని కడప జిల్లా తెదేపా అధ్యక్షుడు శ్రీనివాస్ రెడ్డి ధీమా వ్యక్తం చేశారు. రాష్ట్ర వ్యాప్తంగా 130 స్థానాల్లో.. కడప జిల్లాలో 7 నుంచి 8 స్థానాల్లో తెదేపా కైవసం చేసుకుంటుందని ఆయన ఆశాభావం వ్యక్తం చేశారు. ముఖ్యమంత్రి చంద్రబాబు ప్రవేశపెట్టిన సంక్షేమ పథకాలే తమకు విజయాన్ని అందిస్తాయని కడపలో చెప్పారు. ఈవీఎంలు మొరాయించినా... మహిళలు, వృద్ధులు సహనంతో ఓటు వేశారని... అవే తమ పార్టీకి బలంగా మారి విజయాన్ని కట్టబెడతాయని ధీమా వ్యక్తం చేశారు.