పొలం విషయంలో న్యాయం జరిగేలా లేదని ఆత్యహత్యాయత్నానికి పాల్పడిన అక్బర్ బాషా కుటుంబాన్ని తెదేపా నేతలు పరామర్శించారు. కడప జిల్లా ప్రొద్దుటూరులోని ఓ ప్రైవేట్ ఆసుపత్రిలో చికిత్స పొందుతున్న అక్బర్ కుటుంబాన్ని తెదేపా కడప పార్లమెంట్ అధ్యక్షుడు లింగారెడ్డి, రెడ్యం వెంకటసుబ్బారెడ్డి, ప్రొద్దుటూరు నియోజకవర్గ ఇన్చార్జిప్రవీణ్ కుమార్రెడ్డిలు పరామర్శించి ధైర్యం చెప్పారు.
రాష్ట్రంలో మైనారిటీలపై దాడులు జరుగుతూనే ఉన్నాయని ఆగ్రహం వ్యక్తం చేశారు. అక్బర్ కుటుంబం మాట్లాడలేని పరిస్థితిలో ఉందని ఆవేదన వ్యక్తం చేశారు. ఆ కుటుంబానికి న్యాయం చేయాలని.. వారి భూమిని వారికి తిరిగి ఇచ్చేయాలని డిమాండ్ చేశారు. ముఖ్యమంత్రి సొంత జిల్లాలోనే ఇలా ఉంటే.. రాష్ట్రంలో మిగిలిన చోట్ల మైనార్టీల పరిస్థితి ఏంటని ప్రశ్నించారు.
ఇదీ చదవండి : AKBER BASHA: 'భూమి ఇస్తామన్నారు.. రాజీ కుదుర్చుకున్నాం'
